Тошкент давлат юридик университети

Chiqindilar va xavfli ashyolar bilan muomala qilishni davlat 
tomonidan huquqiy tartibga solish va nazarot etish 
Chiqindilar va xavfli ashyolar bilan muomala qilishni huquqiy 
tartibga solish va nazarot etish faoliyatni davlat tomonidan tartibga solish 
ekologik qonun hujjatlari, shu jumladan chiqindilarga oid qonunchilikni 
shakllantirish va uni tadbiq etish orqali amalga oshiriladi.
Chiqindilar va xavfli ashyolar bilan muomala qilishni davlat 
tomonidan huquqiy tartibga solish va nazarot etish
 
bu vakolatli davlat 
organlarining chiqindilarga oid ishlarni bajarish, ularning salbiy 
oqibatlarini bartaraf etish hamda atrof tabiiy muhitni muhofaza qilish 
bo‘yicha ijro etish va farmoyish berish faoliyati tushuniladi.
Davlat tomonidan tartibga solish usulublari deganda, ijtimoiy 
munosabatlar subyektlariga davlat tomonidan ta’sir ko‘rsatish usullari 
tushuniladi. Ular tarkibiga ruxsat berish, man qilish, rozilik berish, 
majburiy ko‘rsatmalar berish kiradi.
 “Radiatsiyaviy xavfsizlik to‘g‘risida”gi Qonunning 7-moddasida
belgilanishicha, radiatsiyaviy xavfsizlikni ta’minlash sohasini davlat 
tomonidan tartibga solish O‘zbekiston Respublikasi Vazirlar Mahkamasi 
hamda u vakolat bergan davlat organlari tomonidan amalga oshiriladi
98
.
Masalan, 
“O‘zbekiston 
Respublikasi Davlat geologiya va 
mineral resurslar qo‘mitasi to‘g‘risida”gi 
Nizomda belgilanishicha, 
O‘zbekiston Respublikasi Davlat geologiya va mineral resurslar 
qo‘mitasi: qo‘shni davlatlarning geologiya xizmatlari bilan birgalikda 
transchegara hududlar doirasida radioaktiv va toksik elementlar bilan 
ifloslanish o‘choqlarini aniqlash va o‘rganish ishlarini amalga oshiradi, 
qo‘shni hududlarning ekologik holatiga salbiy ta’sir ko‘rsatishi 
mumkin bo‘lgan alohida xavfli zonalar va uchastkalarni aks ettirgan 
holda geologiya xaritalari va atlaslarini tuzadi hamda ularni 
O‘zbekiston Respublikasi Vazirlar Mahkamasiga, manfaatdor 
vazirliklar va idoralarga taqdim etadi; vazirliklar va idoralar bilan 
birgalikda suv resurslaridan (yer osti suvlaridan) foydalanish hamda 
hududlarni texnogen va xavfli geologik jarayonlar ta’siridan himoya 
qilish sxemalarini ishlab chiqadi; yer osti boyliklari uchastkalaridan 
foydali qazilmalarni qazish bilan bog‘liq bo‘lmagan, shu jumladan, 
chiqindilarni saqlash va ko‘mish uchun yer osti inshootlari qurish va