Тошкент давлат юридик университети

Ayniqsa, 2000 yil 31 avgustdagi “Qishloq xo‘jalik o‘simliklarini 
zararkunandalar, kasalliklar va begona o‘tlardan himoya qilish 
to‘g‘risida”gi
Qonunning 24-moddasiga binoan ham, yuridik va jismoniy 
shaxslar kimyoviy moddalar, biologik vositalar va materiallarni saqlash, 
qo‘llash, zararsizlantirish, utilizatsiya qilish, tashish va ko‘mib tashlash 
chog‘ida fuqarolarning sanitariya-epidemiologiya jihatidan bexatarligini 
ta’minlovchi sanitariya-gigiena normalari, qoidalari va normativlariga, 
hayvonot dunyosi va hayvonlarning yashash muhitini muhofaza qilish 
talablariga, o‘simlik dunyosi obyektlari va ularning o‘sib ko‘payish 
muhitini muhofaza qilish talablariga rioya etishlari shart. O‘simliklarni 
himoya qilish vositalarini faqat ularni saqlashga mo‘ljallangan maxsus 
omborxonalarda saqlashga ruxsat etiladi. O‘simliklarni himoya qilish 
vositalarini idishsiz saqlash taqiqlanadi. O‘simliklarni himoya qilish 
vositalarini faqat maxsus moslangan transport vositalarida tashishga yo‘l 
quyiladi
95
. Zero, o‘simliklarni himoya qilish vositalari ham muayyan 
darajada o‘zidan zaharli moddalarni ajratib chiqarishi va u atrof muhit va 
fuqarolar hayoti hamda sog‘lig‘iga sezilarli xavf tug‘dirishi mumkin. 
O‘simliklarni himoya qilish vositalarini saqlash va tashish chog‘ida 
odamlar sog‘lig‘iga va atrof muhitga zarar yetkazilishini istisno etadigan 
talablarga rioya qilinishi zarur.
O‘zbekiston Respublikasining 2000 yil 25 mayda qabul qilingan 
“Ekologik ekspertiza to‘g‘risida”gi Qonuni
ham
 
chiqindilar va xavfli 
ashyolar bilan muomala qilishni huquqiy tartibga solish va atrof-muhitni 
radiatsiya ta’siridan muhofaza qilishga oid qoidalarni tartibga soladi. 
Ekologik ekspertiza rejalashtirilayotgan har qanday xo‘jalik va boshqa 
faoliyatning ehtimol tutilgan ekologik xavfliligi prezumpsiyasi tamoyiliga 
asoslanishi bois davlat ekologik ekspertizasi obyektlari bo‘lmish loyihalar, 
materiallar va boshqa hujjatlarda yerlarni va boshqa resurslarni radioaktiv 
94
O’zbekiston Respublikasi Oliy Majlisining Axborotnomasi, 1998 yil, 5-6-son, 82-modda. 
95
O’zbekiston Respublikasi qonun hujjatlari to’plami, 2005 yil, 1-son, 5-modda. 

---

303 
chiqindilarning zararli ta’siridan muhofaza qilish masalalari ko‘rilgan 
bo‘lsa, ularning holatini va ularni himoya qilish bo‘yicha nazarda tutilgan 
tadbirlar samaradorligini baholash bunday ekspertiza natijalarini hisobga 
olgan holda amalga oshiriladi. Yuqorida tilga olingan qoidalar atrof tabiiy 
muhitni, kishilarning hayoti va sog‘lig‘ini himoya qilishda muhim 
ahamiyat kasb etadi. O‘zbekiston Respublikasining “Ekologik ekspertiza 
to‘g‘risida”gi, 
“Radiatsiyaviy 
xavfsizlik 
to‘g‘risida”gi,“Aholining 
sanitariya-epidemiologik osoyishtaligi to‘g‘risida”gi, “Tabiatni muhofaza 
qilish to‘g‘risida”gi Qonunlarida ekologik ekspertiza o‘tkazilishi shartligi 
nazarda tutilgan. Bularning barchasi ekologik ekspertiza instituti, tibbiy 
epidemiologik ekspertiza, sanoat xavfsizligi ekspertizasi institutlari 
tushunchalarining mazmun-mohiyatini ochib berish zaruriyatini keltirib 
chiqaradi.