Тошкент давлат юридик университети

Ovchilik va (yoki) baliq ovlash xo‘jaligini yuritish. 
Jismoniy yoki 
yuridik shaxsga biriktirilgan, muhofaza qilish va takror ko‘paytirish 
tadbirlari, ov qilish va (yoki) baliq ovlash amalga oshiriladigan hudud 
ovchilik va (yoki) baliq ovlash xo‘jaligidir. 
Ovchilik va (yoki) baliq ovlash xo‘jaligini yuritish uchun yuridik va 
jismoniy shaxslarga yer uchastkalari yoki suv obyektlari doimiy egalik 
qilish, doimiy yoki muddatli (vaqtincha) foydalanish yoxud ijara huquqi 
asosida berilishi mumkin. 
Ovchilik va (yoki) baliq ovlash xo‘jaligini yuritish: 
ov qilish va (yoki) baliq ovlash joylarini tashkil etish loyihalarining 
davlat ekologik ekspertizasi xulosasi; 
hayvonot dunyosi obyektlarini davlat hisobiga olish va ulardan 
foydalanish hajmlarini hisobga olish, ov qilish va (yoki) baliq ovlash 
joylarining holati materiallari; 
kvotalar va hayvonot dunyosi obyektlaridan foydalanish huquqini 
beruvchi ruxsatnomalar asosida yuridik va jismoniy shaxslar tomonidan 
amalga oshiriladi. 
Ovchilik va (yoki) baliq ovlash xo‘jaligini yuritish tartibi, 
shuningdek ov qilish va baliq ovlash qoidalari O‘zbekiston Respublikasi 
Vazirlar Mahkamasi tomonidan belgilanadi. 
Hayvonot dunyosini muhofaza qilish va undan foydalanish 
sohasida davlat ekologik ekspertizasidan o‘tkazilishi lozim: 
barcha turdagi qurilishlar uchun er uchastkalarini tanlash 
materiallari
, 
amalga oshirilishi hayvonot dunyosining holatiga yoki 
yovvoyi hayvonlarning yashash muhitiga, urchish joylariga va ko‘chib 
o‘tish yo‘llariga zararli ta’sir ko‘rsatishi mumkin bo‘lgan rejadan oldingi, 
loyihadan oldingi va loyiha hujjatlari; 

---

249 
ov qilinadigan va (yoki) baliq ovlanadigan joylarni tashkil etish 
loyihalari; 
yovvoyi hayvonlarni boshqa joyga ko‘chirish, iqlimga moslashtirish 
va chatishtirish ishlarining loyihalari; 
yovvoyi hayvonlar va ularning yashash muhiti uchun xavfli bo‘lgan 
o‘simliklarni himoya qilish vositalari. 
Hayvonot dunyosini muhofaza qilish va undan foydalanish 
sohasidagi davlat ekologik ekspertizasi ekologik ekspertiza to‘g‘risidagi 
qonun hujjatlarida belgilangan tartibda o‘tkaziladi. 
Hayvonot dunyosi obektlarini muhofaza qilish va ulardan 
foydalanish sohasidagi davlat ekologik ekspertizasi 
O‘zbekiston 
Respublikasi Ekologiya va atrof-muhitni muhofaza qilish davlat 
qo‘mitasitomonidan qonun hujjatlarida belgilangan tartibda amalga 
oshiriladi.
Demak, yuqoridagi barcha holatlar ov qilish va baliq ovlashni to‘g‘ri 
yo‘lga qo‘yishga qonuniy yordam beradi.