Тошкент давлат юридик университети

Hayvonot dunyosi obyektlaridan maxsus foydalanish huquqi 
quyidagilar asosida bekor qilinishi mumkin: 

hayvonot dunyosi obyektlaridan foydalanuvchining ruxsat etish 
xususiyatiga ega hujjatni bekor qilish to‘g‘risidagi arizasiga ko‘ra; 

ruxsat etish xususiyatiga ega hujjat qalbaki hujjatlardan 
foydalangan holda olinganligi fakti aniqlanganda. 

---

251 

Hayvonot dunyosi obyektlaridan maxsus foydalanish huquqi 
qonun hujjatlarida belgilangan tartibda to‘xtatib turiladi, tugatiladi yoki 
bekor qilinadi. 
Qonun hujjatlarida hayvonot dunyosidan foydalanish huquqini bekor 
qilish uchun boshqa asoslar ham nazarda tutilishi mumkin.
Hayvonot dunyosidan foydalanish huquqi ruxsatnomalarni qonun 
hujjatlarida belgilangan tartibda bekor qilish yo‘li bilan tugatiladi.
 
Nazorat uchun savollar 
 
1. Hayvonot dunyosi bilan bog‘liq bo‘lgan munosabatlar serqirra 
bo‘lib, bu boradagi munosabatlar faqat ekologik huquqning rasmiy 
manbalari bilan tartibga solinadimi yoki bo‘lmasa, boshqa huquq sohalari 
bilan ham tartibga solinadimi, agarda tartibga solish obyektiga kiradigan 
bo‘lsa, bu boradagi normativ huquqiy hujjatlarni tahlil qiling.
2. Hayvonot dunyosini muhofaza qilish chora tadbirlarini 
belgilaydigan “Hayvonot dunyosini muhofaza qilish va undan foydalanish 
to‘g‘risida”gi Qonundan tashqari, boshqa qaysi normativ huquqiy 
hujjatlarda hayvonot dunyosini muhofaza qilishning huquqiy chora-
tadbirlari belgilangan. 
 
 
3. Fuqaro D. Aydarpo‘latov yovvoyi o‘rdaklarni ov qilish uchun 
belgilangan tartibda ruxsatnoma olib, ov qilib qaytayotganda tabiatni 
muhofaza qilish organlar xodimlari tomonidan to‘xtatilib, ov mahsuloti 
olib quyilib, unga u ov qilgan yovvoyi o‘rdak O‘zbekiston Resublikasi 
“Qizil kitobiga” kiritilganligini bildirib, bayonnoma tuzib belgilangan 
miqdorda jarima solishgan. Lekin fuqaro D. Aydarpo‘latov O‘zbekiston 
Respublikasi hududida ov va baliq ovlash qoidalariga ko‘ra, u ovlagan 
o‘rdak ovlash uchun ruxsat etilganligini bildirgan.
Ushbu vaziyatga huquqiy baho bering. 
4. Fuqaro D. Omanquliyev ovga chiqib, bir kiyikni belgilangan 
tartibda ov qilib otib o‘ldirganidan so‘ng, mazkur kiyik tarqaluvchanlik 
xususiyatga ega kasallik ekanligi aniqlandi. Kasallik boshqa hayvonlarga 
tarqalib ketmasligi uchun fuqaro D. Omanquliyev ov qilgan hayvonni 
yoqib yubordi. Hayvon yonayotganda, yong‘in sekin astalik bilan yon 
atrofda bo‘lgan daraxtni egallab, daraxtdagi olmaxonlar nobud bo‘lgan.

---

252 
Mazkur holat yuzasidan tabiatni muhofaza qilish organlar tomonidan 
surishtiruv ishlari olib borilib, fuqaro D. Omanquliyevga nisbatan qonuniy 
chora ko‘rish kerakligi to‘g‘risida xulosaga kelingan.
Ushbu vaziyatga huquqiy baho bering.