Toshkent davlat yuridik universiteti jinoyat huquqi

Og„ir jinoyatlarga 
qasddan sodir etilib, qonunda besh yildan ortiq, lekin o‗n 
yildan ko‗p bo‗lmagan muddatga ozodlikdan mahrum qilish tarzidagi jazo nazarda 
tutilgan jinoyatlar kiradi. Masalan, 118-moddaning ikkinchi qismi (nomusga 
tegish), 169-moddaning uchinchi qismi (o‗g‗rilik) va boshq. 
O„ta og„ir jinoyatlarga 
qasddan sodir etilib, qonunda o‗n yildan ortiq 
muddatga ozodlikdan mahrum qilish yoxud umrbod ozodlikdan mahrum qilish 
jazosi nazarda tutilgan jinoyatlar kiradi. Masalan, 159-moddaning to‗rtinchi qismi 
(O‗zbekiston Respublikasining konstitutsiyaviy tuzumiga tajovuz qilish),
160-modda (josuslik) va h.k. 
Jinoyatlarni bunday tarzda tasniflash ham nazariy, ham amaliy ahamiyatga 
egadir. Nazariy ahamiyati shundaki, jinoyat huquqi normalarning nazariy 
qoidalarini ishlab chiqishda, shuningdek jinoyatlarni belgilash va muayyan tizimda 
joylashtirishda, ijtimoiy xavflilik darajasiga qarab javobgarlikka tortishda hal 
qiluvchi ahamiyatga ega. Amaliy ahamiyati esa har bir jinoyat uchun uning 
ijtimoiy xavfliligiga qarab javobgarlikni belgilash va bu bilan jinoyat qonunining 
adolatlilik prinsipini amalga oshirishdadir. 
Jinoyatlarni obyektga qarab tasniflash masalasida Jinoyat kodeksi Maxsus 
qismidagi jinoyatlarni maxsus obyektga qarab guruhlarga ajratish va maxsus 
obyektning ahamiyatiga qarab JK da joylashtirish tushunilishi lozim.
O‗zbekiston Respublikasi Jinoyat kodeksi Maxsus qismining birinchi 
bo‗limida shaxsga qarshi jinoyatlar, ikkinchi bo‗limida tinchlik va xAfvsizlikka 
qarshi jinoyatlar, uchinchi bo‗limida iqtisodiyot sohasidagi jinoyatlar, to‗rtinchi 
bo‗limida ekologiya sohadagi jinoyatlar va hokazolar belgilangan. Bunda bevosita 
obyekt jihatidan bir-biriga o‗xshash jinoyatlar bitta bo‗limga kiritilib, ana shu 
bo‗lim yoki bobdagi jinoyatlarning barchasi uchun umumiy bo‗lgan obyekt 
maxsus obyekt hisoblanadi.