Toshkent davlat yuridik universiteti jinoyat huquqi

Jinoyat sodir etishdan ixtiyoriy qaytish
– shaxs jinoyatga tayyorgarlik 
koʼrish harakatlarini yoki jinoyat sodir etishga bevosita qaratilgan harakatlarni 
oxiriga yetkazish mumkinligini anglagan holda toʼxtatishi, shuningdek jinoiy 
oqibat kelib chiqishi mumkinligini anglagan holda, shunday oqibat kelib 
chiqishining oldini olishi. 
Jinoyat subyekti
– ijtimoiy xavfli qilmish sodir qilgan va jinoyat qonunida 
belgilangan yoshga yetgan aqli raso jismoniy shaxs. 
Jinoyatning maxsus subyekti
– shaxsda subyektning zaruriy belgilari bilan 
birga, jinoyat qonunida koʼrsatilgan boshqa bir belgilarning ham mavjud boʼlishi 
talab qilinadigan subyekt. 
Jinoyatda ishtirokchilik
– qasddan sodir qilinadigan jinoyatni ikki yoki 
undan ortiq shaxsning birgalashib sodir etishiga aytiladi (JK 28 moddasi). 
Jinoiy uyushma
- ikki yoki undan ortiq uyushgan guruhning jinoiy faoliyat 
bilan shugʼullanish uchun oldindan birlashishi.