Тошкент давлат юридик университети фуқаролик ҳуқуқи Ўқув курси дастури (силлабус)

ТОШКЕНТ ДАВЛАТ ЮРИДИК УНИВЕРСИТЕТИ
Фуқаролик ҳуқуқи


Ўқув курси дастури (силлабус)

(12 ECTS)

Ўқув курс ҳақида
Ўқув курси коди: _________________
Ўқув курси номи: Фуқаролик ҳуқуқи
Ўқув семестери / 3-4-семестер / 2020-2021 ўқув йили
Кафедра: Фуқаролик ҳуқуқи
Ўқув курсига ажратилган соатлар / Кредитлар: 12 ECTS (120 аудитория соати)
Ўқув курси раҳбарлари / Ўқитувчилар (Инструкторлар):
Қамбариддин Мехмонов, Ph.D., доцент.
([e-mail])
Қабул вақти: Чоршанба, 10:00-12:00.
Ўқув кенгаши йиғилиш баённомаси: ___ ____________ 2020


I. ЎҚУВ КУРСИ ТАВСИФИ
“Фуқаролик ҳуқуқи” ўқув курси мулкий ва шахсий номулкий муносабатларни тартибга солувчи ва мустаҳкамловчи ҳуқуқий нормаларни ўрганишга бағишланган. Шу билан бирга, ўқув курси доирасида мулк ҳуқуқи ва бошқа ашёвий ҳуқуқлар, мажбурият ҳуқуқи, шартнома конструкциялари, шартнома лойиҳаларини тузиш ва маслаҳатлар бериш ҳамда ворислик ҳуқуқига алоҳида эътибор қаратилган. Мазкур курс фуқаролик ҳуқуқи назарияси, амалиёти ва қонунчилигини ўқув материаллари, маъруза, семинар ва ёзма топшириқларни қамраб олади.
Ўқув курси ўзбек, рус ва инглиз тилларида олиб борилади.


II. ЎҚУВ КУРСИ АСОСИЙ ТАЛАБЛАРИ
Ўқув курси бакалавриат 2-курси бўлган талабалар учун мўлжалланган бўлиб, улардан давлат ва ҳуқуқ назарияси, рим ҳуқуқи бўйича базавий билимга эга бўлиш ҳамда оғзаки ва ёзма юридик рус ҳамда инглиз тилини пухта билиш талаб этилади.


III. АННОТАЦИЯ

ECTS. 120 аудитория соати.

Маъруза	Амалий машғулот	Лаборатория	Баҳолаш	Мустақил таълим	Жами
56	64	0	5	180	300

Ўқув курси индивидуал ва жамоавий вазифаларнинг уйғунлиги асосида, назарий ва амалий кўникмаларни ривожлантиришга йўналтирилган машғулот тарзида ташкил этилган. Мазкур ўқув курси асосан юридик жиҳатдан тенг бўлган субъектлар ўртасидаги мулкий ва шахсий номулкий муносабатларни тартибга солиш, фуқаролик ҳуқуқларини амалга ошириш ва ҳимоя қилиш соҳасидаги ҳуқуқий билимларини чуқурлаштиришни ўзига мақсад қилган миллий ва хорижий талабалар учун фойдали бўлади.