Чоршанба Фавқулодда вазиятлар профилактикаси куни

Д. “Чоршанба – Фавқулодда вазиятлар профилактикаси куни” тадбири фавқулодда вазиятларнинг олдини олиш ва ёнғин хавфсизлигини таъминлашда муҳим аҳамият касб этмоқда. Тадбир доирасида Жиззах вилоятининг барча шаҳар ва туманларида тарғибот-ташвиқот ишлари ташкил этилиб, ўрганишлар давомида аниқланган камчиликларни дарҳол бартараф этиш чоралари кўрилмоқда.


М. Жумладан, вилоят Фавқулодда вазиятлар бошқармаси, “Ҳудудгаз Жиззах” газ таъминоти филали, ҳудудий электр тармоқлари корхонаси, фуқароларнинг ўзини-ўзи бошқариш органлари ҳамда бошқа дахлдор ташкилотар билан ҳамкорликда уй-жойлар, бинолар ва иншоотларнинг ёнғинга қарши ҳолатини яхшилаш мақсадида Мирзачўл туманининг Боғбон маҳалласи ҳудудидаги 604 та аҳоли яшаш хонадонларининг ёнғинга қарши ҳолати ўрганилди. Натижада, 124 та камчилик аниқланиб, уларнинг 108 таси шу жойнинг ўзида бартараф этилишига эришилди. Қиш фасли ортда қолган бўлса-да, об-ҳавонинг бир оз совиши натижасида фуқароларнинг иситиш печларига бўлган талаби ортди. Натижада, носоз иситиш печларидан фойдаланиш ҳолатлари ҳам учраб турибди. Ўтказилган ўрганишлар давомида 12 маротаба газ плиталаридан хонадонни иситиш мақсадида фойдаланиш ҳолатлари, 34 маротаба носоз дудбўронлардан фойдаланиш, 4 маротаба қўлбола иситиш печларидан фойдаланиш ва бошқа камчиликлар аниқланиб, тегишли идоралар билан ҳамкорликда бартараф этилди. Шунингдек, фуқароларнинг мурожаатлари асосида газ таъминотидаги узилишлар сабаби ўрганилиб, амалий ёрдам кўрсатилди. Ўтказилган профилактик тадбирлар давомида фуқароларга ёнғин хавфсизилги қоидалари акс этган 600 дона эслатмалар тарқатилиб, хавфсизлик қоидалари тушунтирилди.


СИНХРОН.


М. Шунингдек, техникум ва академик лицей ўқувчилари билан учрашувлар ташкил этилиб, фавқулодда вазиятларга сабаб бўлувчи омиллар ва ундан ҳимояланиш чора тадбирлари тушунтирилди. Ўқувчилар иштирокида содир бўлган айрим ёнғинлар муҳокамаси ўтказилиб, ёнғин сабаби таҳлил қилинди. Тадбир давомида ўқувчилар учун ёнғин-қутқарув техникалари намойиш этилиб, унда соҳага доир қизиқарли маълумотлар иштирокчиларга тақдим этилди.


Н. ЭРГАШЕВ.
И. МУРОДОВ.