Тошкент давлат юридик университети фуқаролик ҳуқуқи Ўқув курси дастури (силлабус)

IV. ЎҚУВ КУРСИДАН КЎЗЛАНГАН МАҚСАДЛАР
Фуқаролик ҳуқуқи ўқув курсининг мақсади талабаларга фуқаролик ҳуқуқига оид асосий қоидалар ҳақида маълумот бериш ҳисобланади.
Ўқув курсининг асосий мақсади талабаларга мулкий ва шахсий номулкий муносабатларни тартибга солувчи ва мустаҳкамловчи ҳуқуқий нормаларга оид ишларини таҳлил қила олиш, тадқиқот олиб бориш ва ҳуқуқий далиллар тайёрлаш ва тақдим этиш қобилиятларини шакллантириш саналади. Ўқув курси охирида талабалар фуқаролик ҳуқуқига оид билимларга эга бўладилар, мулк ҳуқуқи ва бошқа ашёвий ҳуқуқлар, мажбурият ҳуқуқи, шартнома конструкциялари, шартнома лойиҳаларини тузиш ва маслаҳатлар бериш ҳамда ворислик ҳуқуқи тўғрисидаги билимларга эга бўладилар, фуқаролик ҳуқуқи моҳиятини англаб етадилар ва амалий-ҳуқуқий кўникмаларга эга бўладилар.
Ушбу мақсад юқорида қайд этилган кўникмаларни ривожлантириш учун муҳим бўлган бир неча босқичларни амалга ошириш зарурлигини англатади. Улар: мулк ҳуқуқи ва бошқа ашёвий ҳуқуқлар, мажбурият ҳуқуқи, шартнома конструкциялари, шартнома лойиҳаларини тузиш ва маслаҳатлар бериш ҳамда ворислик ҳуқуқи ҳақида билимларга эга бўлиш, мавжуд вазиятга фуқаролик-ҳуқуқий нормаларни қўллаш орқали уни таҳлил қилишдан иборат. Ушбу ўқув курси талабаларни фуқаролик ҳуқуқларини амалга ошириш ва ҳимоя қилиш, мажбурият ҳуқуқи, шартномавий конструкциялар моҳиятини тушуниш, шартномавий муносабатларни тўғри йўлга қўйиш, ворислик ҳуқуқига доир қоидаларни қўллаш кўникмасини шаклланишига қаратилган.


V. ЎҚУВ КУРСИДАН КУТИЛГАН НАТИЖАЛАР
Ўқув курси охирида талабалар қуйидагилар бўйича билимга эга бўладилар:
• фуқаролик ҳуқуқининг тушунчаси, асосий қоидалари, тамойиллари, тизими, фуқаролик ҳуқуқларини амалга ошириш ва ҳимоя қилиш;
• битимлар, уларнинг ҳақиқий саналиш шартлари, битимнинг ҳақиқий эмаслиги;
• муддатлар ва даъво муддати;
• мулк ҳуқуқи ва бошқа ашёвий ҳуқуқлар, мулк ҳуқуқини амалга ошириш ва ҳимоя қилиш;
• мажбурият ҳуқуқи, шартнома конструкциялари, шартнома лойиҳаларини тузиш ва маслаҳатлар бериш;
• ворислик ҳуқуқи ва меросни эгаллашнинг асосий масалалари.