Toshkent davlat texnika universiteti tarixi, strukturasi, fakultetlari va kafedralari haqida ma’lumot

1968-yilda Toshkent Agregat zavodi va Toshkent traktor yig‘ish zavodi tashkil qilinishi munosabati bilan traktorsozlik mutaxassisligi bo‘yicha muhandis-mexaniklarga talab kuchaydi. Kafedra mudiri va jamoasining tashabbusi bilan shu yili kafedra tarkibida «Avtomobillar va traktorlar» ixtisosligi tashkil qilinib talabalar qabul qilina boshlandi. Shuningdek, kechki-sirtki bo‘limda ham ushbu ikki mutaxassislik bo‘yicha muhandis-mexaniklar tayyorlash ko‘paydi va 70-yillarning boshlarida «Qishloq xo‘jalik mashinalari va traktorlar» kafedrasiga har yili 300 dan ziyod talaba tahsil olgan. Kunduzgi bo‘lim «QXM» ixtisosligi 4-kurs talabalaridan 50-60 nafariga har yili 6 oy davomida «Toshqishloqmash» zavodi koshidagi kechki kasb-hunar bilim yurti bilan tuzilgan shartnoma asosida qo‘shimcha ta’lim olib borildi. Ushbu ta’limni tugatganlarga 3-toifadagi keng profildagi traktorchi-mashinist guvohnomasi berildi va ular sentyabr-noyabr oylarida mashinalardan foydalanish amaliyoti davrida kolxoz va sovxozlarda paxtani mashinada terish ishlarida faol qatnashganlar. Bu an’ana 1984-yilgacha davom etdi.

1977-1983-yillarda kafedraga prof. A. S. Sadriddinov raxbarlik qildi. Bu davrda kafedraga iqtidorli yosh o‘qituvchilar va ilmiy xodimlar jalb qilindi, kafedrada kengaytirilgan va yangi ustivor yo‘nalishlarda ilmiy-tadqiqot ishlari olib borish jadallashdi. Kafedra uchun yangi to‘rt qavatli o‘kuv-ilmiy labaratoriya korpusi qurib bitkazildi. Binoda yangi o‘quv xonalari va ilmiy labaratoriyalar, qishloq xo‘jalik texnikasini saqlash uchun pavilon tashkil qilindi va zamonaviy o‘quv va ilmiy-tadqiqod uskunalari, turli xildagi qishloq xo‘jalik mashinalari namunalari bilan jihozlandi.

1980-y.da «Qishloq xo‘jalik mashinalari va traktorlar» kafedrasida «Ichki yonuv dvigatellari» ixtisosligi tashkil kilindi. Tayyorlanayotgan mutaxassislar soni yiliga 350 dan oshdi.

1980-1989-yillarda kafedraga dos. Akbarov E.A. raxbarlik qilgan. Bu davrlarda kafedrada talabalar konstruktorlik byurosi ish olib borgan va talabalarga muhandislik ko‘nikmalari chuqurroq o‘rgatib borilgan.

1989-1997 yillarda kafedraga texnika fanlari nomzodi, dotsent Anvar Doniyorovich Abdazimov raxbarlik kildi.

1993 yilda QXM kafedrasi tarkibida alohida "Qishlok xo‘jaligi va maxsulotlarni qayta ishlashni mexanizatsiyalash" kafedrasi tashkil qilindi, unga prof. M.A. Ismanov mudirlik qildi. Yangi yo‘nalish-qishloq xo‘jaligi mahsulotlarini qayta ishlashni mexanizatsiyalash bo‘yicha o‘quv fanlarini o‘zlashtirish, yangi o‘quv laboratoriyalarni tashkil qilish borasida ishlar olib borildi.

1997 yilga kelib "Qishloq xo‘jalik mashinasozligi", "Traktorsozlik" va "Qishloq xo‘jaligi va maxsulotlarini kayta ishlashni mexanizatsiyalash" kafedralari "Qishloq xo‘jalik mashinasozligi" kafedrasi nomi bilan birlashtirildi. Kafedraga prof. Kobil Hamdamovich Maxkamov mudir etib tayinlandi.

1999 yilda kafedradan "Qishloq xo‘jaligi va maxsulotlarni qayta ishlashni mexanizatsiyalash", 2000 yilda esa «Avtomobillar va traktorlar» kafedralari yana qayta ajralib chiqdi.

2000 yildan kafedra “Yer usti transport tizimlari” deb nomlanib kеlinmoqda.

Hozirda kafedrada 60712400-“Avtomobilsozlik va traktorsozlik”, 60712500- Yer usti transport tizimlari va ularning ekspluatatsiyasi (traktorlar, qishloq xo‘jalik mashinalari va jixozlari) bo‘yicha bakalavrlar va quyidagi uchta mutaxassislik bo‘yicha magistrlar tayyorlanmoqda:, 70712401 – “Avtomobilsozlik va traktorsozlik”, 70712501-“Yerusti transport vositalari va tizimlari (traktorlar)”, 70810102-“Qishloq xo‘jalik texnikasini loyihalashtirishva konstruksiyasini ishlash”.

Kafedra tashkil topgandan beri "Qishlok xo‘jalik mashinasozligi" va «Avtomobil va traktorsozlik» mutaxassisliklari bo‘yicha mamlakatimizga 4,5 mingga yaqin muhandis-mexaniklar tayyorlab berildi.