Тошкент Давлат техника

2.2. Машиналарни ташҳизлаш
Ташхислаш — машиналарни техник ҳолатини аниқлаш жараёни. Унинг мақсади машиналарнинг ҳақиқий техник ҳолатига тўғри келувчи таъмирлаш ишларини бажаришдан иборат.
Ҳолат кўрсатгичлари, физик миқдор бўлиб, иш жараёнида ташхислаш объектининг ўзгарувчан созлигини ёки иш қобилятлигини характерлайди.
Машина ташхисланаётганда, унинг ташкил этувчи қисмларининг комплектлиги, хужжатлари текширилади.
Машинанинг техник ҳолатини аниқлаш учун истеъмолчидан олнадидаган муайян машинанинг техник ҳолати тўғрисидаги маълумот муаян аниқликда олинади, таҳлил қилинади. Геметикланадиган жойлари тозаланади ва кўздан кечирилади. Асосий йиғма бирликлар ва агрегатлар махсус воситалар ёрдамида ташхисланади Ташхислаш сўров ва ресурс бўйича амалга ошириладиган турларга бўлинади.
Сўров бўйича ўтказиладиган ташхислашда зарурият туғилса носозликнинг жойи ва тури ёки машинанинг тўлиқ ҳолати аниқланади. Ресурс бўйича ташхизлаш фойдаланиш даврида ўтказилади, унинг натижаларига мувофиқ машинанинг ташкил этувчи қисмларнинг қолдиқ ресурси аниқланади. Агар уларнинг қолдиқ ресурси етарли даражада бўлса, ишлаш муддати техник хизмат кўрсатиш турларининг муддатларига каррали бўлиши лозим. Машинадан янада фойдаланиш имкони бўлмаса унинг таъмирлаш тури аниқланади.
Ресурс бўйича ташхислаш двигателнинг кривошип-шатун механизми (мойлаш системаси бош магистралидаги мойнинг босими бўйича); цилиндр поршен гуруҳи (мойни куйиш даражаси ва картерга ёриб кирувчи газларнинг миқдори)ни; трансмиссия (механизмлардаги, охирги ва бош узатмадаги умумий тирқиш)ни текширишни ўз ичига олади.
Машиналарни сақлаш. Таъмирлаш ва техник хизмат кўрсатишни кутувчи машиналар қисқа муддатга сақлаш талабларига мувофиқ сақланади. Агар сақлаш муддати 2 ойдан катта бўлса, унда машиналар узоқ муддатли сақлашга қўйилади.
Машиналарни сақлашга тайёрлаш қуйидаги ишларни ўз ичига олади:
лойдан, чангдан, оққан мойлардан тозалаш;
сув тушиши маън қилинган генераторлар, юргизиш двигателлари, реле ва бошқа йиғма бирликлар ва элементлар ғилофлари, парафин қоғозлар ва б. билан ҳимояланади;
гидроцилиндр штокларининг сирти консервацияланади;
ғилдиракли тракторларнинг рессорларини ва ғилдирак шиналарини юксизлантириш учун уларга таглик қўйилади;
аккумулятор батареялари олиниб, улар омборхонада сақланади;
тўкиш тешикларидан ташқари, барча тешикларни зич ёпиш;
ричагларни ва бошқариш меанизми тепкиларини нейтрал ҳолатга ўрнатиш.
Тракторларни сақлашга қўйишдаги консервация ГОСТ 9.014—78 ва ГОСТ 7.751— 85 талаблари мувофиқ, бунда муаян трактор русимига қўйилган талаблар ҳисобга олиниши лозим.
Машина трактор паркини таъмирлаш технологик ҳужжатларига:
тракторларни ва автомобилларни, ҳамда бошқа махсус машиналарни жорий таъмирлашга техник талаблар;
жорий таъмирлашда агрегатларни алмаштириш технологик картаси;
қишлоқ хўжалик техникасини сақлаш учун ностандарт ускуналарнинг чизмалари;
плугларни, сеялкаларни, култиваторларни ва бошқа қишлоқ хўжалик машиналарини таъмирлашга техник талаблар;
дон ўрувчи комбайнларни таъмирлашни ташкил қилиш технологияси бўйича тавсиялар киради.