Тошкент давлат техника университети энергетика факултети

4. Назорат саволлари:

1. Юқори ҳароратли жараёнлар қандай гуруҳланади?

2. Печлар принципига кўра қандай гуруҳланади?
3. Иссиқлик жараёни характерига кўра печлар қандай гуруҳланади?
4. Саноат печлари ҳақида тушунча беринг.
5. Печнинг схемасини тушунтириб беринг.


Маъруза № 2
ИССИҚЛИКНИ ИШЛАТИШ ҚУРИЛМАСИ.
Режа:


1. Иссиқликни ишлатиш қурилмаси.
2. Саноат печларининг классификацияси.
3. Саноат печларининг принципиал схемаси.
4. Назорат саволлари.


1. Иссиқликни ишлатиш қурилмаси.
Иссиқликни ишлатиш қурилмаси печдан чиқаётган газ иссиқлигини ишлатиш учун хизмат қилади. Кўп ҳолларда печнинг ишчи бўшлиғидан чиқаётган газнинг ҳарорати, газсимон ёнилғини ва ҳавони кераклича иситиш ҳароратдан катта бўлади. Бу ҳолларда иссиқ сув ва буғ олиш учун қозон-утилизатор ўрнатилади, бу корхонанинг технологик мақсади, иситиш қурилмалари ва вентиляция учун ишлатилади. Қозон-утилизаторнинг ишлаши печнинг умумий иссиқлик тежамлигини бир мунча оширади.
Сўриш қурилмаси печдан материалга ишлов бериш натижасида ҳосил бўладиган газсимон маҳсулотларни ва тутун газини ҳаво чиқариш учун хизмат қилади. Кўп ҳолларда печнинг ишчи бўшлиғидаги тутун гази бир мунча нисбий босим остида бўлади ва унинг шу бўшлиқдаги ҳаракати сўриш қурилмасининг таъсирсиз амалга ошади. Сўриш сунъий ёки сўриш қурилмаси ёрдамида амалга оширилади.
Ҳайдаш қурилмаси ҳайдаш вентиляторидан ташкил топган бўлиб, ёнилғиниёниш учун керак бўладиган ҳавони етказиб беради.
Механик жиҳозлар, печнинг ишчи бўшлиғидаги қиздирилаётган жисмларни харакатлантиришни жиҳатни туширишни механизациялаш учун хизмат қилади Печни механизацияланиши печнинг унумдорлигини ошишига, ишчиларнинг иш кучининг минумумигача камайишига ва ишчиларни иш шароитини яхшиланишига хизмат қилади.
Печда бўладиган жараёнлар жуда мураккаб бўлганлиги сабабли, унинг тўғри ишлашини амалга ошириш учун иссиқлик ҳарорати асбоби билан таъминланади. Бундан ташкари печда бўладиган жараёнларни бошқариш учун печ автоматик ростлаш асбоби билан жиҳозланади.