Toshkent davlat sharqshunoslik instituti sharq filologiyasi fakulteti tarjima nazariyasi va amaliyoti kafedrasi

추석²⁷ - oy taqvimi bo‘yich 8 oyning 15 kuni koreys millatining eng muhim bayrami o‘tkaziladigan kundir. Bu bayram bir yillik hosilni yig’ib olinishi yakunlanib borayotgan kunlarga to‘g’ri keladi va bu bayramda koreys millati hosil uchun ota –bobolariga o‘z minnatdorchiliklarini bildiradilar. 추석 bayrami bir kun oldin kechasi 송편 tayyorlanayotgan joydan boshlab boshlanadi. Yorug’ va to‘lin oyni tomosha qilib, butun oila a’zolari yig’ilib, davra qurib yarim oycha shaklidagi 송편 ni tayyorlab, suhbat qurib o‘tirgan manzara to‘liq va ozod hayot manzarasi kabi ta’riflanadi. 송편ni chiroyli qilib tuggan kishining turmush o‘rtog’i yoki farzandi chiroyli bo‘ladi degan gap borligi sababli barcha bor mahoratini ishga solib, tugish bilan ovora bo‘ladilar.추석 tongida ham eng avval ota – bobolarni xotirlab dasturxon yoziladi va ularga ta’zim bajo etib, minnatdorchilik bildiriladi. Shundan so‘ng oila davrasida nonushta qilib, yangi mevalardan tanovul qilinadi. Nonushtadan so‘ng ota – bobolarning qabrlari ziyorat qilinadi. So‘ngra har xil o‘yinlar ya’ni arqon tortish, kurash musobaqasi o‘tkazish kabi o‘yinlar o‘ynalib ko‘ngilxushlik qilinadi. Ayniqsa to‘lin oy ostida kuylab raqsga tushish ushbu o‘yinlar orasidagi eng mashhurlari hisoblanib kelingan. Xullas bir so‘z bilan aytilganda dehqonlarning bir yil davomida to‘kilgan terlari va charchoqlarini yozish uchun qulay bo‘lgan bayram hisoblanadi. Shuning uchun odamlar 설날dan ko‘ra 추석 bayramini yanada katta quvonch bilan kutib oladilar.