Toshkent davlat sharqshunoslik instituti sharq filologiyasi fakulteti tarjima nazariyasi va amaliyoti kafedrasi

설날²⁸ - oy taqvimi bo‘yicha birinchi oyning 1 kuni yangi yil boshlangan birinchi kun hisoblanadi. Bu bayram uzoq o‘tmishdan beri koreys millati keng ravishda nishonlab kelgan bayramlaridan biridir. Yangi yil oldi uy bekalari yangi yil kiyim – kechaklari va yangi yil taomlarini tayyorlash bilan band bo‘ladilar. Yangi yil tongida esa turishlari bilan yangi yil kiyimlarini kiyib, eng avval ota-bobolar qabrini ziyorat qilishga otlanadilar. Qabr oldiga stol yozib, har xil noz- ne’matlardan qo‘yadilar va ta’zim qilib, kirib kelayotgan yilni tinch va totuv o‘tkazishlarida yordam berishlarini so‘raydilar. Ziyoratdan qaytgach, kattalarga navbatma – navbat ta’zim qiladilar, shundan so‘nggina barcha oila a’zolari bilan birga ertalabki nonushtani tanovul qiladilar. Yangi yil tongida albatta tanovul qilinishi shart bo‘lgan taom 떡국 hisoblanadi.떡국 ni tanovul qilishning ham o‘z ma’nosi bo‘lib, uning ma’nosi yoshning yana bir yoshga ulg’ayganligini eslatib o‘tish hisoblanadi.