Toshkent davlat sharqshunoslik instituti qosimjon sodiqov turkiy til tarixi

Qadimgi turk monumental matnlari qanday uslubda bitilgan? O‘rnaklar bilan tushuntiring.

Turli xil matnlardan olib, ularning uslubini tahlil qiling.

Turkiy yozma yodgorliklarda tarix qanday ko‘rinishda berilgan? O‘zingiz bilgan-o‘qigan matnlardan o‘rnaklar keltiring.

O‘zbekistonning turli o‘lkalarida o‘zingiz ko‘rgan-bilgan eski qabrtoshlardagi yozuvlar to‘g‘risida o‘z bilgingizcha ma’lumot yig‘ing. Imkon tug‘ilsa, o‘sha yerlarga o‘qituvchingiz bilan epigrafik ekspeditsiya uyushtiring.

YETTINCHI BO‘LIM. MATNLAR
M a t n n i o‘ q i b o‘ r g a n i sh u ch u n e n g k e r a k l i t u sh u n ch a l a r: transkripsiya, transliteratsiya, ilk matn, asarning hozirgi o‘zbek tiliga o‘girmasi, asar tarjimasi.
T i l ta r i x i o‘ q i t u v ch i l a r i u ch u n k o‘ r s a t m a l a r:
Hurmatli o‘qituvchilar! Talabalarning matn ustida ihlashi uchun Sizning ko‘magingiz kerak bo‘ladi. Bunda quyidagi ko‘rsatmalarga e’tibor qilmoqlig‘ingizni so‘raymiz:

Lutfan berilgan matnlarni talabalaringizga bir boshdan o‘qiting.

Talabalaringiz matnni o‘qish bilan barobar hozirgi o‘zbek tiliga o‘girsinlar. Qiynalgan o‘rinlarda kitobda berilgan o‘zbekcha o‘girmalardan foydalanishlari mumkin. Kerak bo‘lsa, o‘z o‘girmalarini kitobdagi o‘girmalarga qiyoslab borishlari uchun yo‘l bering.

Lutfan matndagi unutilgan, eski so‘zlarning lug‘atini tuzdiring.

Ma’ruzalaringizda ham, mashq darslarida ham matnlardan misollar olib ishlating.

Talabalaringiz o‘zlarining kurs ishlari, bitiruv-malakaviy hamda magistrlik ishlarida berilgan matnlardan foydalanishlariga ko‘maklashing.