Toshkent davlat sharqshunoslik instituti qosimjon sodiqov turkiy til tarixi

“Turkiy til tarixi” ixtisoslik fanlari qatorida turadi. Ushbu fanini o‘zlashtirish uchun o‘quv rejasida ko‘zda tutilgan gumanitar va ijtimoiy-iqtisodiy, matematik va tabiiy-ilmiy, umumkasbiy fanlar (eski turkiy yozuvlar, asosiy sharq tili, tilshunoslikka kirish, qo‘shimcha sharq tili v.b.) va ixtisoslik fanlaridan yetarli bilim hamda ko‘nikmalarga ega bo‘lishi talab etiladi.

Fanning gumanitar fanlar tizimidagi o‘rni
Maktabgacha ta’lim muassasasi, o‘rta umumta’lim maktabi, akademik litsey, kasb-hunar kollejlarida hamda O‘zR FA Sharqshunoslik instituti, Til va adabiyot instituti, Tarix ilmiy tekshirish institutlarida faoliyat olib borilganda “Turkiy til tarixi” kursidan olingan bilimlar asqotadi. Shuning uchun ushbu fan asosiy ixtisoslik fani sanalib, mumtoz filologiya ta’lim yo‘nalishi bo‘yicha bakalavr tayyorlash bosqichining ajralmas bo‘g‘inidir.
Fanni o‘qitishda yangi axborot va pedagogik texnologiyalarni qo‘llash

Ilmi toliblarning “Turkiy til tarixi” fanini o‘zlashtirishlari uchun o‘qitishning ilg‘or va yetakchi usullarini qo‘llash, yangi pedagogik texnologiyalardan foydalanish muhim ahamiyat kasb etadi. Shuning bilan birga, mumtoz filologiya mutaxassislarini tayyorlashda o‘tmishda ota-bobolarimiz tomonidan yaratilgan ilg‘or ta’lim usullari, notiqlik san’ati, balog‘at bilimi masalalarini egallash, yozma adabiy til, adabiy tilning uslubiy imkoniyatlaridan ustalik bilan foydalanish mahoratini singdira borish talab etiladi.

Fanni o‘qitish jarayonida darslik, o‘quv va uslubiy qo‘llanmalar, ma’ruza matnlari, dars yo‘rug‘lari, tarqatma materiallar va ko‘rgazmali qurollardan foydalaniladi.