Тошкент давлат педагогика университети ҳузуридаги илмий даражалар берувчи phD

Тадқиқотнинг амалий натижалари қуйидагилардан иборат:
устоз-шогирд муносабатларини шаклланишига таъсир этувчи омилларни аниқлашга мўлжалланган ижтимоий-психологик сўровнома ишлаб чиқилган ва амалиётга жорий қилинган;
“Устоз-шогирд муносабатларини шаклланишига ижобий таъсир этувчи ижтимоий-психологик омилларни ривожлантириш» дастури яратилган ва амалиётда қўлланилган;
спорчи ва мураббийлар ўртасидаги шахслараро муносабатларни шаклланишининг самарадорлигига ижобий таъсир этувчи амалий тавсиялар тақдим этилган;
Тадқиқот натижаларининг ишончлилиги муаммонинг аниқ қўйилганлиги, халқаро миқёсда тан олинган методик воситалар, маълумотларнинг репрензентативлиги, эмпирик изланишлар назарий чуқур асослаб берилганлиги; аниқланган кўрсаткичларнинг ишончли илмий манбаларга асосланганлиги; суҳбат (диалог, полилог шакллари), хужжатларни ўрганиш, ижтимоий-психологик сўровнома (ИПС), контент-тахлил, спорчи ва мураббийлар ўртасидаги шахслараро муносабатларни аниқлашга мўлжалланган Г.Ю.Айзенк, Рикс-Уэссман, Томас усуллари, эмпирик натижаларнинг мақсадга мувофиқ таҳлил қилинганлиги, натижалар «Mc Excel», «SPSS 20.0» дастурлари воситасида қайта ишланганлиги; илмий фикр ва хулосаларнинг амалиётга жорий этилганлиги, олинган натижаларнинг ваколатли тузилмалар томонидан тасдиқланганлиги билан изоҳланади.
Тадқиқотнинг илмий ва амалий аҳамияти. Тадқиқот натижаларининг илмий аҳамияти шундан иборатки, ижтимоий психология ва ижтимоий педагогика фанларининг йўналишларида устоз-шогирд муносабатларини амалга ошириш механизмлари сифатида мураббий шахсига қўйилган талаблар ва тамойилларни такомиллаштирилганлиги, ўрганилган ва тадқиқ этилган муаммога оид илмий тушунча, тасаввурларни кенгайтириши, шунингдек, спортчи ва мураббийларнинг шахслараро муносабатларини шаклланишида қўлланилаётган ижтимоий мотивация, ижтимоий перцепция, ижтимоий установка, эмоционал билимдонлик каби психологик усулларни моҳияти ва тушунчаси очиб берилганлиги, шахсларао муносабатларни тўғри йўлга қўйишга доир илмий хулосалардан спорт психологияси ва ижтимоий психология йўналишларидаги тадқиқотларда фойдаланиш мумкинлиги билан изоҳланади.
Тадқиқот натижаларининг амалий аҳамияти олинган назарий материаллар ва тавсиялар олий ва ўрта махсус ўқув юртлари фаолият самарадорлигини оширишда фойдаланиш мумкинлиги, олинган натижалар ва илгари сурилган ғоялар спортчи ва мураббийлар ўртасидаги шахслараро муносабатларни шаклланишини самарадорлигини тадқиқ қилувчи методикалардан фойдаланишда, спортчилар билан олиб бориладиган психологик ва профилактик ишлар йўналишини аниқлаштиришда, шунингдек, «Спорт психологияси», «Ижтимоий психология», «Психологик хизмат», фанларидан ўқув қўлланма, дарсликлар тайёрлашда, психологик луғатларни такомиллаштиришда фойдаланиш мумкинлиги билан белгиланади.