Тошкент давлат педагогика университети ҳузуридаги илмий даражалар берувчи phD

Муаммонинг ўрганилганлик даражаси. Спортчи ва мураббийлар ўртасидаги шахслараро муносабатлар устоз-шогирд турли муаммоларни бартараф этишнинг ижтимоий, психологик, педагогик, диний-фалсафий жиҳатдан жамиятнинг тараққиётини белгилайдиган муҳим омил сифатида зардуштийликнинг қадимги манбаи «Авесто», Абу Наср Форобийнинг, Абу Райҳон Берунийнинг, Абу Али Ибн Сино, Юсуф Хос Хожиб, Алишер Навоийнинг асарларида илгари сурилган³. Таҳлил кўрсатадики, қадимдан бошлаб, жамият ривожланишида устоз-шогирд муносабатларининг роли муҳимлиги эътироф этилган.
Ўзбекистонда спортчи ва мураббийлар ўртасидаги шахслараро муносабатларни Т.М. Адизова, Г. Бердиев, Э.Ғ.Ғозиев⁴, Ғ.Б.Шоумаров, В.М.Каримова, А.М.Жабборов,Ш.Р.Баротов⁵,З.Г.Гаппаров,Р.А.Абдурасулов⁶, З.Э.Газиева⁷ ва уларнинг шогирдлари томонидан олиб борилган тадқиқотларида устоз-шогирд муносабатларининг ўзига хос ижтимоий-психологик хусусиятлари очиб берилган.
Мустақил Давлатлар Ҳамдўстлиги (МДҲ) мамлакати олимлари C.Л.Рубинштейн⁸, И.П.Волков, Н.Б.Стамбулова, A.B.Алексеев, В.Ф.Сопов, Л.С.Выготский⁹, Д.А.Леонтьев, A.B.Петровский¹⁰, Р.М.Загайнов¹¹, В.Н.Лебедев, A.M.Столяренко, В.Н.Томалинцев, М.Ш.Магомед-Эминов, Л.А.Китаев-Смык, В.И.Медведев ва бошқалар спорчи-мураббийлар ва экстремал вазиятларда уларга психологик кўмак бериш жараёнларини ўрганиш муаммоларига эътибор қаратилган.
Хориж олимларидан Маслау¹², К. Роджер, Д. Оллпорт, Р.Майэрс ва уларнинг шогирдлари томонидан олиб борган илмий изланишларида спорчилардаги эмоционал кечинмалар ва уларга психологик кўмак бееришда мураббийларнинг ролига атрофлича шарҳ берилган.
Диссертация мавзусининг диссертация бажарилган олий таълим муасассасининг илмий-тадқиқот ишлари билан боғлиқлиги. . Диссертация Бухоро давлат университети илмий-тадқиқот ишлари режасининг ЁА–1–9 рақамли “Аҳолининг турли қатламларига психологик хизмат кўрсатиш амалиёти” (2016-2017 йй.) мавзусидаги амалий лойиҳа, ОТ-Ф1-рақамли “Ёшларда миллий ғоя ва мафкуравий иммунитетни шакллантиришнинг психологик механизмлари” (2017-2021 йй.) мавзусидаги фундаментал лойиҳа доирасида бажарилган.