Тошкент давлат педагогика университети ҳузуридаги илмий даражалар берувчи phD

Тадқиқотнинг мақсади спорчи ва мураббийлар ўртасида шахслараро муносабатлар шаклланишига таъсир этувчи ижтимоий-психологик омилларни ўрганиш ва амалий тавсияларни ишлаб чиқишдан иборат.
Тадқиқотнинг вазифалари:
спорчи ва мураббийлар ўртасидаги шахслараро муносабатлар шаклланишига таъсир этувчи ижтимоий-психологик омилларни аниқлаш;
устоз-шогирд муносабатларини мувофиқлаштиришга хизмат қилувчи ижтимоий-психологик механизмларни тадқиқ қилиш;
шахслараро муносабатларга таъсир этувчи ижтимоий-психологик омиллар ўртасидаги корреляцион боғлиқлик кўрсаткичларига баҳо бериш;
спортчилар ва уларнинг мураббийлари ўртасидаги ижтимоий-психологик ҳамкорликни таъминлашга хизмат қилувчи эмпирик маълумотлар асосида амалий тавсиялар ишлаб чиқиш;
Тадқиқотнинг объектини Бухоро ва Навои вилоятларидаги спорт мактабларининг ўқувчилари(жами-150 нафар) ва уларнинг мураббийлари(жами-70 нафар) ташкил этади.
Тадқиқотнинг предметини спорчи ва мураббийларнинг шахслараро муносабатларида намоён бўлувчи ўзига хос ижтимоий-психологик омиллар ташкил этади.
Тадқиқот усуллари. Тадқиқотда махсус ишлаб чиқилган ижтимоий-психологик сўровнома, “Индивидуал-типологик хусусиятларни аниқлаш” усули (Г.Ю.Айзенк); “Ўз-ўзини ҳиссий баҳолаш” усули (Рикс Уэсман), “Зиддиятли ҳолатдан чиқишга бўлган етакчи мотивация кўрсаткичларини аниқлаш” усули (Томас) ва эмпирик натижаларни қайта ишлашга мўлжалланган математик-статистика усуллари (Стьюдентнинг t-мезони, К.Пирсоннинг корреляция коэффицентини ҳисоблаш)дан фойдаланилди.
Тадқиқотнинг илмий янгилиги қуйидагилардан иборат:
спортчи ва мураббийларнинг ўзаро муносабатларига таъсир этувчи ижтимоий-психологик омиллар аниқланган;
устоз-шогирд муносабатларини мувофиқлаштиришга хизмат қилувчи ижтимоий-психологик механизмлар асосланган;
устоз-шогирд муносабатларини шаклланишига ижобий таъсир этувчи ижтимоий-психологик тренинглар дастури яратилган ва унинг самарадорлиги исботланган;
спорчи ва мураббийлар учун амалий тавсиялар ишлаб чиқилган.