Toshkent davlat pedagogika universiteti tabiiy fanlar fakulteti

Shaxslarning ismi, shariflari, taxallus hamda laqablari bilan ataluvchi 
toponimlar-antropotoponimlar. 
Aholining nomdor vakillari-olimlar, xalq 
qahramonlari, barcha yetuk shaxslar ba’zan esa salbiy xususiyatlarga ega bo’lgan 
ayrim taniqli kishilar nomi bilan ham ataladigan joy nomlari mavjud. Bu xususiyat 
aynan o’sha taniqli shaxsning hayoti, ijodiy faoliyati yoki esda qolarlik ish 
ko’rsatgan joyi bilan chambarchas holda yuz beradi. Navoiy, Mashrab, Bekbo’tabek, 
Nodirabegim, Sobir Mulla Ohund, Valixon to’ra, Abdulhay Rizayev, To’raxon 
Ibrohimova mahallalari, Muqimiy ko’chasi bunga yaqqol misoldir. 
G’aroyib nomlar. 
Geografik nomlarning ayrim holatlarda ma’no-mazmuni 
qorong’u, ba’zan kulguli, ayrimlari esa qo’rqinchli bo’lgan holatlarda uchratamiz. 
Qo’qondagi Qaymoqli guzar, G’ozi yog’liq, Jin qishloq, Gadoyboy mahallalari shu 
tarkibga kiradi. 
Hozirda toponimikaning ahamiyati tobora yuksalib bormoqda. Biz o’zimiz 
yashab turagn joyning toponimikasini chuqur egallashimiz, kelajak avlodga yetkazib 
berishdek oliy vazifani ado etishimiz darkor. Zero, yoshlar vatan mehri, g’ururi, 

---

196 
iftixori bilan tafakkuri va ruhi sug’orilsagina, biz xohlagan komil inson, haqiqiy yurt 
fidoyilari yetishib chiqadi. Ona vatanimiz-O’zbekiston kelajagi biz yoshlar va 
kelajagimiz davomchilari qo’lida ekanligi unutmasligimiz lozim. 
5-sinf “Tabiiy geografiya: boshlang’ich kursi” da 7-mavzu:”Joy plani va 
topografik xarita bilan ishlash” mavzuida “Yelpig’ich” metodini qo’llab, 8-sinf 
“Iqtisodiy-ijtimoiy geografiya” darsligida -aholi manzilgohlari mavzusi va 
Farg’ona viloyati mavzularini o’qitish jarayonida “Klaster” metodini qo’llab, o’zi 
yashab turgan hudud- Qo’qon shahar toponimikasiga doir yuqoridagi ma’lumotlarni 
o’quvchi ongiga sindirish, tafakkurini boyitish yurtimiz egalarining vatanimizga 
bo’lgan muhabbatini yanada yuksaltirishga xizmat qiladi.