Тошкент давлат педагогика университети обидова гулмира кузибаевна

Тадқиқотнинг республика фан ва технологиялари ривожланишининг устувор йўналишларига мослиги. Мазкур тадқиқот республика фан ва технологиялар ривожланишининг I.”Демократик ва ҳуқуқий жамиятни маънавий-аҳлоқий ва маданий ривожлантириш, инновацион иқтисодиётни шакллантириш” устувор йўналиши доирасида бажарилган.
Муаммонинг ўрганилганлик даражаси. Мамлакатимизнинг қатор педагог олимлардан Э.Турдикулов, Ш.Авазов, Ю.Шодиметов, Б.Зиёмухаммедов, Р.Эгамбердиев, А.С.Тухтаева, А.Р.Маликова, И.Ш.Исматовларнинг илмий тадқиқот ишларида олий таълим муассасаларида бўлғуси мутахассисларни тайёрлашда экологик маданиятни шакллантиришнинг услубий асосларига эътибор қаратилган. Ф.Жуманова, Н.Бозорова, Н.Исакулова, А.Нигматов, В.Сатторов, Н.Нишанова, Н.Хакимов, А.Меджитоваларнинг тадқиқотларида ўрта махсус касб ҳунар таълимида экологик маданиятни ошириш, ўқув жараёнида соғлом муҳитни шакллан-тиришга эътибор қаратилган. Хорижий тилларни ўқитишнинг методик масалалари юзасидан тадқиқот олиб борган олимларимиздан Ж.Жалолов, К.Рискулова, Г.Махкамова, Ф.Юзликаев, М.Кадирова, Р.Ишмуҳаммедов кабилар томонидан тадқиқ қилинган.
МДҲ давлатларда ўқув жараёнида экологик маданиятни шакллантириш ва концепцияларини, моделини ишлаб чиқиш масалалари И.Д.Зверев, А.Н. Захлебный, С.Н.Глазачев, И.И.Лигостаев, Т.Л.Кушнир, В.П.Горлачев, Ш.С.Ройзларнинг тадқиқотларида асосланган, хорижий тилларни ўқитиш бўйича Г.Китайгордская, Е.Пассовларнинг тадқиқотларида ўрганилган.
Хорижий давлатларда Д.С.Энглсон, А.Допсин, В.Гурова, Ж.П.Хутукеро каби бир қатор олимларнинг илмий тадқиқот ишларида экологик хавфсизлик маданиятини шакллантириш ва экологик таълим масалалари ҳал этилган.
Юқоридаги илмий манбалар ва хорижий адабиётлар таҳлили чет тили ўқитишда экологик муамаммоларни ўрганиш таълим жараёнидаталабаларнинг экологияга, атроф муҳитга бўлган муносабатларини ривожлантиришда самарали натижалар бериши мумкинлигини кўрсатмоқда.
Диссертация тадқиқотнинг диссертация бажарилган олий таълим муассасасининг илмий-тадқиқот ишлари режалари билан боғлиқлиги: “Олий таълим муассасаларида талабаларни чет тили бўйича экологик маданиятини фаоллаштиришнинг услубий асосларини такомиллаштириш” (2016-2017йй.) мавзусидаги амалий лойиҳа доирасида бажарилган.