Тошкент давлат педагогика университети обидова гулмира кузибаевна

Илмий раҳбар:
Юзликаев Фарит Рафаилович
	педагогика фанлари доктори, профессор
Расмий оппонентлар:	Ахмедова Лайло Талибжановна
	педагогика фанлари доктори, профессор
	Мисиров Сохибжон Абдупаттаевич
	педагогика фанлари номзоди,доцент
Етакчи ташкилот:	Ўзбекистон Миллий университети

Диссертация ҳимояси Наманган давлат университети ҳузуридаги PhD.28.09.2018.Ped.76.02 рақамли Илмий кенгашнинг 2019 йил “___” ______соат _____даги мажлисида бўлиб ўтади. (Манзил: 160119, Наманган шаҳри, Уйчи кўчаси, 316-уй. Тел.: [phone]; факс: [phone]; е-mail: [e-mail].)

Диссертация билан Наманган давлат университети Ахборот-ресурс марказида танишиш мумкин (__рақами билан рўйхатга олинган). (Манзил: 160119, Наманган шаҳри, Уйчи кўчаси, 316-уй. Тел.: [phone].)

Диссертация автореферати 2019 йил “___” ________куни тарқатилди.

(2019йил“___” _________ даги _____ рақамли реестр баённомаси).

	Т.Файзуллаев
	Илмий даражалар берувчи илмий
	кенгаш раиси, c.ф.д., профессор
	Х.Ё.Нажмиддинова
	Илмий даражалар берувчи илмий
	кенгаш илмий котиби, п.ф.н,доцент
	Н.Ш.Эркабоева
	Илмий даражалар берувчи илмий
	кенгаш қошидаги илмий семинар
	раиси, п.ф.д., доцент

КИРИШ (диссертация аннотацияси)
Диссертация мавзусининг долзарблиги ва зарурати. Жаҳонда глобаллашув шароитида экологик жараёнлар билан боғлиқ муаммоларнинг долзарблашуви олий ўқув юртларидаги махсус фанлар мазмунини экология йўналишидаги ахборотлар билан тўлдириш заруратини юзага келтирмоқда. Жумладан, Германия, Филландия, АҚШ, Австрия каби давлатларнинг олий таълим муассасалари фанларни ўқитиш жараёнларида экологик маданиятни шакллантиришнинг асосий компонентларига оид билимларни тарғиб этишга алоҳида аҳамият қаратиб келмоқда. Бундай ёндашув экологик маданиятни ривожлантиришнинг зарур чораларини амалга оширишга, экологик масалаларга доир муммолар ечимига қаратилганлиги билан аҳамиятлидир.
Дунёда олий таълим муассасаларида фанларни ўқитиш, жумладан, чет тилларни ўқитиш жараёнида талабаларнинг экологик маданиятларини ривожлантириш бўйича, атроф муҳитни мухофаза қилиш, ер-сув муаммолари устидатадқиқотлар олиб борилмоқда. Мазкур тадқиқотлар чет тилларни ўқитишнинг педагогик механизмлари таркибига экологик маданиятга оид билимлар интеграциялашувини амалга ошириш, экологик маданият хоссаларини таълим технологиялари, назорат ускуналари, мустақил таълимни ташкил этиш жараёнида акс эттириш имкониятини яратади.
Мамлакатимизда чет тилларини ўрганиш тизимини янада такомиллаштириш,экологик масалаларга қаратилган ислоҳотлар чет тилларни ўқитиш жараёнида экологик таълим билан уйғунлигини таъминлашга асосланган замонавий адабиётларни ишлаб чиқиш учун асос бўлмоқда. Ўзбекистон Республикасини янада ривожлантириш бўйича Ҳаракатлар стратегиясида “....таълим ва ўқитиш сифатини баҳолашнинг халқаро стандартларини жорий қилиш асосида олий таълим муассасасалари фаолиятининг сифати ҳамда самарадорлигини ошириш, илмий тадқиқот ва инновацион фаолиятни рағбатлантириш....”¹, масалалари устувор вазифа сифатида белгиланди. Бунда инглиз тилини ўргатишда талабаларнинг экологик маданиятни шакллантиришнинг мезон ва қонуниятларини аниқлаш, танланган мезонларга мос ҳолда талабаларнинг экологик маданиятларини ошириш тизимини, мазмуни ва омилларини аниқлаш ва уларни ташҳислаш моделини такомиллаштириш зарурдир.
Ўзбекистон Республикаси Президентининг 2012 йил 11 декабрдаги ПҚ-1875-сон “Чет тилларни ўрганиш тизимини янада такомиллаштириш чора – тадбирлари тўғрисида”ги қарори, 2017 йил 20 апрелдаги “Олий таълим тизимини янада ривожлантириш чора-тадбирлари тўғрисида”ги ПҚ-2909-сон, 2017 йил 7 февралдаги Ўзбекистон Республикасини янада ривожлан-тириш бўйича Ҳаракатлар стратегияси тўғрисидаги ПҚ-4947-сон қарорлари, 2017 йил 11 августдаги Ўзбекистон Республикаси Вазирлар Маҳкамасининг “Чет тилларни ўқитишнинг сифатини янада такомиллаштириш чора тадбирлари тўғрисида”ги қарори, 2018 йил 26 ноябрдагиЎзбекистон Республикаси Вазирлар Маҳкамасининг “Экология ва атроф-муҳитни муҳофаза қилиш соҳасида илмий-тадқиқот базасини янада ривожлантириш чора-тадбирлари тўғрисида”ги ҳамда мазкур фаолиятга тегишли бошқа норматив-ҳуқуқий хужжатларда белгиланган вазифаларни амалга оширишда ушбу диссертация муайян даражада хизмат қилади.