Тошкент давлат иқтисодиёт университети т. М. Зияев, Ш. Т. Исроилова, Д. Т.ЁҚУб олий таълимнинг

Қисқача хулосалар

Турли мамлакатларда ва турли вақтларда иқтисодий сиёсатни, шу жумладан бандлик сиёсатини ишлаб чиқишда ҳар хил назариялардан фойдаланилган. Иш билан бандлик одамлар иш жойлари қаердалигидан қатъи назар, ижтимоий фойдали меҳнатда қатнашиш юзасидан ўзаро киришадиган ижтимоий-иқтисодий муносабатлардир.
Аҳолининг иш билан бандлик концепцияси – жамият ижтимоий- иқтисодий ривожланишнинг муайян босқичидаги иш билан таъминла-нишнинг хусусиятини очиб берадиган қарашлар, тасаввурлар тизимидир.
Ишчи кучи бозори иқтисодий фаол аҳолининг иш билан бандлигини, ишлаб чиқариш ва хизмат кўрсатиш соҳасига жалб этилишини таъминлайди.
Ишсизлик умумназарий нуқтаи назаридан иш кучини таклиф қилиш ва иқтисодиётда унга бўлган талабнинг мос келмаслигини, уларнинг миқдорий, таркибий жиҳатидан мувофиқ эмаслигини акс эттиради.
Ишсизлик – ишчи кучининг иш жойи билан таъминланмаганлиги ва натижада, унинг бирон-бир қонуний даромад манбаига эга бўлмаслигини муайян (аниқ) ҳолатидир.
Ишсиз шахслар – ишга эга бўлмаган, ишлашга тайёр ва иш излаётган фуқаролардир.
Ўзбекистонда ишсизлик ўсишининг асосий сабаби, энг аввало, мамлакат иқтисодиёти давлат секторида ишлаб чиқаришнинг қисқариши бўлди.

Таянч тушунчалар

Бандлик тўғрисидаги турли ёндашувлар, бандлик тушунчаси, бандлик турлари, бандлик самарадорлигини кўрсаткичлари, ишсизлик тушунчаси, ишсизликнинг турлари, Оукен қонуни, ишсизликнинг ижтимоий ва иқтисодий оқибатлари.

Назорат учун саволлар

1. 
   Иш билан бандлик тушунчаси, унинг ижтимоий-иқтисодий моҳиятини тушунтиринг.
   
2. 
   Бандликнинг асосий турлари ва шаклларига таъриф беринг.
   
3. 
   Банд аҳолига қандай тоифалар киради?
   
4. 
   Банд бўлмаган аҳолига кимлар киради?
   
5. 
   Ишсизлик даражаси қандай аниқланади?
   
6. 
   Ишсизлик деганда нима тушунилади?
   
7. 
   Иш билан бандлик тушунчаси, унинг ижтимоий-иқтисодий моҳияти
   
8. 
   Оқилона бандликка эришиш учун қандай тадбирларни амалга ошириш керак?
   
9. 
   Аҳолининг иш билан оқилона бандлиги нимани англатади?
   

4.