Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

Коррупция (лот.порага сотилиш, айниш, таназзул) - мансабдор шахснинг бойиш мақсадида ўз мансаби билан боғлиқ ҳуқуқларини суистеъмол қилишдан иборат жинояти. 2017 йил 3 январда қабул қилинган “ Коррупцияга қарши кураш тўғрисида”ги Қонунда коррупция тушунчасига қуйидагича изоҳ берилган:
Коррупция - шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзллаб моддий ёки номоддий наф олиш мақсадида қонунга хилоф равишда фойдаланиш, ҳудди шунингдек, бундай нафни қонунга хилоф равишда тақдим этишдир. Хусусан, мазкур қонунниг 18-моддасида таъкидлаб ўтилганидек, таълим муассасаларида коррупцияга қарши курашиш соҳасидаги ҳуқуқий таълим ва тарбия белгиланган давлат таълим стандартларига мувофиқ амалга оширилади.
Давлат таълимни бошқариш органлари ва таълим муассасалари коррупцияга қарши курашиш соҳасидаги давлат сиёсатининг асосий йўналишларини инобатга олган ҳолда таълим муассасаларида ҳуқуқий таълим ва тарбияга, мутахассисларни касбий тайёрлашнинг сифатини оширишга, таълим дастурларини доимий равишда такомиллаштириб боришга қаратилган чора-тадбирларни ишлаб чиқади. (“Халқ сўзи” 2017 йил 4 январь).
Лоббизм - маълум шахслар томонидан ёлланган агентлар. Улар пора бериш, турли ҳийла-найранглар ишлатиш ва тўғридан-тўғри сотиб олиш йўли билан ўз хўжайинларига мос келадиган қонун ҳужжатларни парламентга киритишга ҳаракат қиладилар ёки давлат ҳокимият органларига ўз одамларининг сайланишига ҳаракат қиладиган гуруҳлардир.
Плагиат (кўчирмачилик)- интеллектуал фаолият натижаси сифатида ўзга манба (манбалар)да ёки ўзга муаллиф (муаллифлар)нинг асарларидаги илмий янгилик ёки амалий натижа сифатида классификация қилинадиган материалларни ўзининг диссертацияси ёки автореферати ёхуд илмий асарларида улар олинган манбаларни ҳеч қандай шаклда қайд этмасдан (ёки таржима қилиб) ўзиникидек фойдаланишдир.
Фан ва таълимда амал қилувчи “Матфей эффекти” (яъни қулай ва ноқулай олимлар когортмаси)нинг шаклланиши ёмон оқибатларга олиб келиши мумкин. “Матфей эффекти”га кўра, илмий ҳамжамият томонидан эътироф этилган олимлар, янги мукофотларга ўзларининг ҳали довруғ қозонмаган ҳамкасбларига қараганда осонроқ эришадилар.