Toshkent davlat iqtisodiyot univyersityeti a. Sh. Bekmurodov, Z. A. Abdullayev, B. M. Badalov

Brokerlar -
 
xalqaro valyuta bozorida mijoz hisobiga va uning topshirig‗iga 
ko‗ra, ammo o‗z nomidan valyutalar bilan operatsiyalarni amalga oshiruvchi birja 
vositachilaridir. Brokerlar xalqaro valyuta bozorida o‗z mijozlari uchun valyuta 
sotib olishadi, sotishadi, o‗tkazishadi, investitsiya qilishadi. O‗z xizmatlari uchun 
brokerlar bitim summasidan promillar (mingdan bir ulushlarda) hisoblanadigan 
komissiya oladilar, lekin u xalqaro amaliyot bo‗yicha yigirma promilldan 
oshmasligi kerak. Ko‗pincha tijorat banklari, sug‗urta kompaniyalari va fondlari, 
moliya kompaniyalari, omonat banklar va investitsiya kompaniyalari brokerlik 
rolini o‗z zimmalariga olishadi. Xalqaro moliya bozorida brokerlar institutining 
mavjud bo‗lishi shu bilan o‗zini oqlaydiki, uning boshqa ishtirokchilari (xedjerlar, 
chayqovchilar, dilerlar) bozorda operatsiyalarni mustaqil bajarishga har doimo ham 
tayyor bo‗lishmaydi va valyuta kurslarining xarakati to‗g‗risidagi axborotning 
butun hajmiga ega bo‗lavermaydilar. Undan tashqari bu axborotni tahlil qila 
olmaydilar va chayqovchilik bitimlarini yoki xedjerlashga oid bitimlarni savodli 
bajara olmaydilar. Ravshanki, brokerlik xizmatlari bitimlarning murakkab turlari 
bo‗yicha zarurdir. Ancha oddiy valyuta operatsiyalarini (masalan, o‗z portfeli 
uchun / dan valyutani oldi – sotdisini) tadbirkor o‗zi amalga oshirishi mumkin.