Toshkent davlat agrar unversiteti termiz filiali

Nazorat savollari

1. 
   Traktorlarning ish uskunalari deb nimaga aytiladi?
   
2. 
   Gidravlik o’rnatish sistemasining vazifasi nimadan iborat?
   
3. 
   O’rnatma mashinalarning tirkama mashinalardan afzalliklari nimadan iborat?
   
4. 
   qanday qishloq xo’jalik mashinalari traktorning o’rnatish mexanizmiga 2 va 3 nuqtali sxemada ulanadi?
   
5. 
   quvvat olish valining vazifasi va turlari?
   
6. 
   Traktor va avtomobillarning qo’shimcha uskunalariga nimalar kiradi ?
   

Adabiyotlar: Asosiy 1,2,3 qo’shimcha 1,2,3,4


2-modul. QISHLOQ XO’JALIK MASHINALARI
4-Mavzu: Tuproqqa asosiy va yuza ishlov berish mashinalari.
Reja:
1.Tuproqqa asosiy ishlov berishning o’ziga xos xususiyatlari, usullari va agrotexnik talablar;
2.Tuproqqa asosiy ishlov berish mashinalarining tuzilishi va ish jarayoni;
3.Tuproqqa asosiy ishlov berishning samaradorligini oshirish.
4.Tuproqqa qo’shimcha ishlov ishlov berish ishlarining o’ziga xos xususiyatlari, usullari va agrotexnik talablari;
5. Qo’shimcha ishlov berish mashinalari, ularning tuzilishi va ishlash jarayonlari; 6. Ekish oldindan ishlov berishda tuproq zichlanishini kamaytirish yo’llari.

Tayanch iboralar: ishlov berish usullari, yerni ag’darib va ag’darmasdan haydash, agrotexnik talablar, plug turlari, korpus turlari, haydash samaradorligi, ilg’or texnologiyalar.

4.1. Tuproqqa asosiy ishlov berishning o’ziga xos xususiyatlari,usullari va agrotexnik talablar
Ekinlardan yuqori hosil olinishini ta’minlovchi tuproqning tarkibi quyidagicha, ya’ni, 25% havo, 25% suv va 50% tuproq zarrachalaridan iborat bo’lishi zarur.Ushbu talabni amalga oshirish avvalo yerga asosiy ishlov berish orqali erishiladi.
Tuproqqa asosiy ishlov berishdan maqsad - tuproqqa ko’proq suvni singib ketishini yaxshilash, o’simlik ildizi rivojlanadigan qatlamda ko’plab suv to’planishi va namlikni uzoq muddat saqlanishini ta’minlash hamda ildiz sistemasini kuchli rivojlanishi uchun sharoit yaratish, mineral va mahalliy o’g’itlarni tuproqqa aralashtirish, bundan tashqari, begona o’t qoldiqlari va zararkunandalarni yo’qotishdan iborat.
Er haydash tuproqqa ishlov berishning asosoy usuli bo’lib, bunda tuproq qatlami ag’darib va ag’darmasdan haydaladi.
Mamlakatimizda tuproqqa asosiy ishlov berishning ag’darib ishlash usuli keng tarqalgan bo’lib, bu tadbir asosan kuzgi shudgor ko’rinishida chimqirqarli va ikki yarusli pluglar bilan 35-40 smchuqurlikda amalga oshiriladi.