Toshkent davlat agrar unversiteti termiz filiali

10.3-rasm. ROU-6 rusumli mahalliy o’g’it sochish mashinasining tuzilishi (a) va uni o’g’it sochishga sozlash tartibi (b):
1 va 7-transportyor; 2-pastki baraban; 3-shnekli baraban;
4- krivoship mexanizmi; 5-tishli xrapovik; 6-krivoship; 8-shatun;

SHo’rlanmagan maydonlarda shudgorlashdan oldin qattiq va suyuq holatdagi mahalliy o’g’itlar yer yuzasiga solinib, so’ngra haydash ishlari tashkil etiladi. SHo’rlangan maydonlarga ularning sho’ri yuvilgandan keyin tuproqqa ishlov berish paytida solish maqsadga muvofiq bo’ladi.

Agrotexnik talablar: sepilgan o’g’itning belgilangan me’yordan farqi , ko’pi bilan 5%;agregat harakat yo’nalishi va qamrov kengligi bo’yicha o’g’it sepilishining notekisligi, ko’pi bilan 25%;yonma-yon o’tishlardagi bir-birini qoplash ( agregat ish qarovibo’yicha), ko’pi bilan 5%;mashina ish jarayonida kuzovdagi o’g’it miqdorining kamayishi natijasida yuz beradigan o’g’it sepish notekisligi, ko’pi bilan 10 % bo’lishi kerak.
O’zbekiston sharoitida asosan ROU-6 rusumli mahalliy o’g’it sepish mashinasi (12.3-rasm) qo’llaniladi. U 6 tonnagacha yuk ko’tarish qobiliyatiga ega bo’lib, mahalliy o’g’itlar turiga qarab 4-8 metr kenglikda sepish imkoniyatiga ega.
Mashinaning ish jarayoni quyidagicha bajariladi. Mahalliy o’g’it kuzovning tubi vazifasini bajaruvchi zanjir-plankali transportyor 1 (10.3a-rasm) orqali pastki baraban 2 ga uzatiladi. Tishli ko’rinishga ega bo’lgan bu barabandan o’g’it uning yuqorisida joylashgan go’ng sochuvchi shnekli barabanga 3 uzatiladi. SHnekli baraban o’g’itni tuproq yuzasiga bir tekis yoyib sepadi. Barabanlar traktorning quvvat olish validan, transportyor esa krivoship-shatunli 4 va xrapovikli 5 mexanizmlar yordamida harakatlanadi.
Sochiladigan o’g’itning miqdori transportyor 7 (10.3b -rasm) va agregat tezliklariga bog’liqdir. Transportyorning harakat tezligi krivoship 6 radiusini o’zgartirish bilan rostlanadi. Krivoship valining oxiriga ekstsentrik korpus mahkamlangan bo’lib, u bolt bilan diskka bir-lashtirilgan. Diskni burish yo’li bilan krivoship radiusi L ni o’zgar-tirish mumkin. Diskning shkalasida raqamlar bo’lib, har bir raqam krivoshipning bir aylanishida xrapovikning qanchaga burilishini ko’rsa-tadi. Masalan, gektariga 20 tonna go’ng sochish belgilangan bo’lsa va traktor beshinchi yuritmada harakatlansa, diskdagi “5” raqamini ekstsentrik korpusdagi belgigacha surib, keyin disk va korpusni bir-biriga bolt-gayka bilan mahkamlash lozim.