Toshkent davlat agrar universiteti

Xulosa va takliflar

Foydalanilgan adabiyotlar ro’yxati

KIRISH.

Bitiruv malakaviy ishi mavzusining dolzarbligi. Hozirgi kunda rivojlangan va rivojlanayotgan mamlakatlar iqtisodiy o`sishni ta`minlash uchun xizmatlar sohasini jadal rivojlantirishni eng muhim vazifalardan biri sifatida bilishmoqda. Xizmatla sohasining rivojlanishi aholining turmush darajasi, ijtimoiy hayotini yaxshilaydi, mahsulot ishlab chiqarish va iste’mol qilish samaradorligini oshirishga yordam beradi. O`zbekistonda mustaqillik yillarida, iqtisodiyotni diversifikatsiyalash va tarkibiy o`zgartirishlarni chuqurlashtirish, mamlakat aholisining bandligini, daromadlarini va turmush sifatini oshirishning muhim yo`nalishlari va omillaridan biri sifatida xizmatlar sohasi va servisni jadal rivojlantirish bo`yicha tizimli ishlar amalga oshirildi. Bundan tashqari, iqtisodiyotning barqaror o`sishini ta`minlashda mazkur soha muhim o`rinni egallamoqda. Shu sababi O’zbekiston hukumati 2016-2020 tillarda xizmatlar ko’rsatish sohasini rivojlantirish dasturini tasdiqladi. Dastur xizmatlar sohasi faoliyatini balansli rivojlantirishni ta’minlash, ular ko’rsatadigan xizmatlarning raqobatbardoshligi va sifatini oshirish maqsadida qabul qilingan. Dasturga ko’ra, xizmatlar sohasini rivojlantirish hisobiga yalpi ichki mahsulotni ko’paytirish, uning respublika iqtisodiyotidagi ulushini 2016 yilda 48,7 foizga oshirishga (2015 yilda 47.5 foiz) erishilgan bo’lsa, hukumat prognozlariga ko’ra, xizmatlar sohasi har yili 11-13 foizlik o’sishni qayd etishi ko’zda tutilgan. Dasturda 2020 yilga qishloq joylarda xizmatlarni 1,8 foizga o’stirish belgilangan. Shuningdek, hukumat 2020 yilga borib aloqa va axborotlashtirishning respublika iqtisodiyotida ulushini 2,5 foizga yetkazishni rejalashtirgan¹.

“Qishloq xo'jaligini ish samaradorligi yuqori bo'lgan, zamonaviy texnika vositalarini lizing asosida ta'minlash tizimining joriy etilishi oldinga tashlangan muhim qadam bo'ldi. ... shu narsa aniqki, qishloq mehnatkashlarini texnika bilan ta'minlashning bu usuli katta istiqbolga ega”². I.A. Karimov

Hozirgi kunda milliy iqtisodiyotda ishlab chiqarishni modernizatsiya qilish va yangilash, qishloq xo’jaligi texnik va texnologik jihatdan zaruriy uskunalar bilan ta’minlash, transport va muhandislik-kommunikatsiya infratuzilmasini rivojlantirish, kichik biznes va xususiy tadbirkorlikni taraqqiy ettirishda lizing xizmatlarini ko’rsatish kompaniyalari faoliyati, ularning boshqaruv tizimini samarali tashkil etish asosiy mezonlardan biri hisoblanadi.

Bugungi kunda boshqa sohalar qatorida lizing faoliyati sohasi ham O‘zbekistonda iqtisodiyotning jadal rivojlanayotgan sohalaridan biri hisoblanadi. Lizing ishlab chiqaruvchi bilan iste’molchi o‘rtasidagi o‘ziga xos ko‘prik bo‘lib kelmoqda. Ishlab chiqaruvchi o‘z ishlab chiqargan mahsulotini lizing orqali tezda sotish, iste’molchi korxona esa, lizing yordamida kam mablag‘ sarflash orqali yangi texnika olish va o‘z mashina-traktor parkini kengaytirish va uni yangilash imkoniyatiga ega bo‘ladi.

Umuman olganda, O‘zbekiston Respublikasida lizing kompaniyalarini xizmat ko’rsatish tizimini tartibga solishni takomillashtirishga qaratilgan ilmiy taklif va amaliy tavsiyalarni ishlab chiqishning zarurligi ushbu bitiruv malakaviy ishi mavzusining dolzarbligini belgilaydi.