Тошкент давлат аграр университети

1.2. Сут йўналишидаги чорвачиликда маҳсулотлар таннархини 
ҳисоблаш 
Бу йўналишдаги чорвачиликда таннарх ҳисоблаш объекти бўлиб олинган 
сут ва бузоқлар ҳисобланади. 
Бир центнер сут ва бир бош бузоқнинг таннархини ҳисоблаш учун сут 
йўналишидаги қорамолларга қилинган йиллик харажатлар суммасидан гўнг, 
туллашдан тушган жун ва бошқа шунга ўхшаш қўшимча маҳсулотлар қиймати 
чегириб ташланади. 
Мисол: сут ишлаб чиқаришга ихтисослашган фермер хўжалиги бўйича 
15306000 сўм харажат қилиниб, 1420 центнер сут, 81 бош бузоқ олинган. 26800 
сўмлик гўнг жами харажатдан чегириб ташланади (15306000-26800 = 15279200) 
қолган харажат суммасининг 90% и сут миқдорига ва 10% и бузоқлар бош 
сонига бўлинади, яъни: 
1 ц. сут таннархи =15279200х90 : 1420ц=9684 сўм. 
100
1 бош бузоқ таннархи = 15279200х10 : 81 бош =18863 сўм 
100
Демак, 1 ц. сутнинг таннархи 9684 сўм, бир бош бузоқники 18863 сўм 
экан. 
 
1.3. Ўстирилаётган ва боқувдаги қорамолларнинг қўшилган ва 
тирик вазни таннархини ҳисоблаш 
Ўстирилаѐтган ва боқувдаги чорва моллари бўйича қўшилган тирик вазн 
ва молнинг умумий тирик вазни таннарх ҳисоблаш обьектлари бўлиб 
ҳисобланади. 
Қўшилган тирик вазннинг таннархи ушбу ҳисоб гуруҳидаги молларни 
сақлаш харажатлари умумий суммасини (қўшимча маҳсулотлар қиймати 
чегириб ташланган ҳолда) қўшилган тирик массага бўлиш йўли билан 
аниқланади. 
У ѐки бу чорва моли турининг тегишли гуруҳи бўйича қўшилган вазн 
қуйидаги формула ѐрдамида аниқланади: 

---

8 
Вқ=Во+Вч-Вк-Вб 
Бунда: Вқ - қўшилган (семирган) вазн; 
Во - йил охирига қолган вазн; 
Вч – йил давомида хўжаликдан чиқарилган ҳайвонлар вазни (ўлган 
ҳайвонларнинг йил бошига бўлган тирик вазнини ҳам қўшган ҳолда); 
Вк – йил давомида хўжаликка кирим қилинган ҳайвонлар вазни; 
Вб – йил бошига бўлган вазни. 
Ўстирилаѐтган ва боқувдаги чорва моллари бўйича қўшилган вазн 
таннархини ҳисоблашдан ташқари бир центнер тирик массанинг ҳам таннархи 
ҳисобланади (1-жадвал).