Toshkent davlat agrar universiteti termiz filiali zooinjeneriya, veterinariya

7-MASHG‘ULOT MAVZUSI: OZUQALARNING MINERALLI TO'YIMLILIGINI ANIQLASH USULLARI.
Mashg‘ulot maqsadi: ozuqalarning mineralli to'yimliligini aniqlash usulini o‘rganish, jamg‘arilgan dag‘al oziqalarning miqdorini hisob yo‘li bilan aniqlashni usulini o‘rganish.
Uslubiy ko‘rstamalar. ozuqalarning mineralli to'yimliligini yoki tabiiy o‘tlarni namligi 15-17 % gacha asosan tabiy (quyosh nuri yordamida yoki soyada) sharoitda yoki sun’iy ravishda quritish yo‘li bilan konservatsiya qilingan oziqalardir.
Hayvon organizmidagi to‘qimalarda 40 ga yaqin mineral modda mavjudligi aniqlangan. Ammo shulardan 15 tasi fiziologik faoliyat uchun zarurligi aniqlangan, bundan tashqari zarur bo‘lsa kerak degan elementlar ham mavjud: bularga ftor, brom, boriy va stransiy elementlari kiradi.
Mineral moddalar 2 guruhga bo’linadi:
1. Mikroelementlar - kalsiy, fosfor, kaliy, natriy, xlor, magniy va oltingugurt.
2. Mikroelementlar – temir, rux, mis, marganets, kobalt, molibden va selen.

Hayvonlarni oziqlantirishda ayrim turdagi mineral moddalarning miqdorigina e’tibor bermasdan ularning o‘zaro nisbatiga ham e’tibor berish kerak. Ayrim elementlarning jumladan kalsiy va molibdenning me’yordan ziyod organizmga tushishi boshqa turdagi elementlarning hazmlanishiga salbiy ta’sir ko‘rsatadi.

Ayrim turdagi elementlarning oziqlantirishda yetishmasligi organizmda fiziologik funksiyaning buzilishiga olib keladi. Masalan: temir, kobalt elementlaridan birontasi yetishmasa gemoglabinning sintezlanishi keskin kamayib ketadi . Shuning uchun hayvonlar ratsioniga qo‘shimcha holda mineral moddalar ayniqsa mikroelement tuzlarini qo‘shishda juda ehtiyotkorlik lozim. Mis, ftor, selen, molibden ozuqada me’yordan ziyod tushsa organizmni zaharlaydi ayrim hollarda o‘ldiradi.
Ozuqalarning mineral tarkibi tuproq sharoitiga solinadigan o‘g‘it miqdori va turiga bog‘liq bo‘ladi. Hayvonlarning mineral moddalarga bo‘lgan talabi va talabning qondirilishi organizmda vitamin D ning sintez qilinishiga ham bog‘liq chunki mineral moddalar almashinuvini vit D boshqarib boradi.
Makroelementlar:
Bu elementlar mikroelementlarga nisbatan ko‘p talab qilinadi. Kalsiy (Sa) barcha elementlarga nisbatan organizmda ko‘p saklanib uning 99% suyak va tishda bo‘ladi. Suyak kuli 38% Sa, 17% R va 1% marganets saqlaydi. Suyakning mineral tarkibi doimiy bir hil bo‘lmasdan organizmga qabul qilinayotgan mineral moddalarga va vitamin D ga bog‘liq. Bu moddalar yetishmaganda organizm raxit kasaliga duchor bo‘ladi, ya’ni suyaklarda o‘zgarish vujudga keladi, suyaklar mo’rtlashadi. Ayniqsa bunday holat yuqori mahsuldor hayvonlarda yaqqol bilinadi. Kalsiy yetishmagan hollarda oziqaviy bo‘r, maydalangan so‘ndirilgan oxak, dikalsiyfosfort berilishi mumkin. Ularga bu qo‘shimchalar berilganda Sa va R nisbatini hisobga olish zarur. Bu elementlar nisbati buziladigan bo‘lsa organizmga yetkazadigan zarar ularning yetishmasligi hisobiga keltiradigan zararga nisbatan ko‘proqdir. Eng qulay nisbat 1:1,5-2 hisoblanadi. Kalsiy miqdori tuxum beruvchi tovuqlar ratsionida me’yor darajasida bo‘lishi maqsadga muvofiqdir. chunki tuxum qobig‘ining asosiy qismini kalsiy tashkil etadi. Tuxum beruvchi tovuqlar bir kunda tuxum qobig‘i bilan 4 g kalsiy ajratib chiqaradi.
Fosfor - organizmda mavjud fosforning 80% suyakda va tishda bo‘ladi, qolgan 20% fosfoproteid, nuklein kislotasi va fosfolitidlar tarkibida uchraydi. Bu element uglevod va energiya almashinuvida muhim rol o‘ynaydi. Organizmda fosforning almashinuvi kalsiy almashinuvi bilan bog‘liqdir. Yetishmaganda yosh hayvonlarda raxit kassaligi, katta yoshdagilarda esa osteomalyasiya vujudga keladi. Fosfor yetishmasligining belgilari: ishtaha yo’qoladi, jun yeb va devorlarni yalab boshlaydi. Fosforning kamayishini qondagi fosfor miqdori bilan aniqlash mumkin. Fosforning yetishmasligi ko‘pincha qoramolchilikda yuz beradi, ya’ni konsentrat ozuqa kam qabul qilgan paytda namoyon bo‘ladi.
Sut, boshoqlilar doni, baliq uni, suyak unlari fosforning asosiy manbalaridir, pichan va somonda bu modda kam saqlanadi. Boshoqlilar donidagi fosfor fitatlar holida ya’ni kalsiy tuzlari, magniy fitini va fosfor kislotasi bilan birgalikda uchraydi.
Kovshovchi hayvonlarda katta qorindagi bakteriyalar fitaza fermenti donlardagi va mineral qo‘shimchalardagi fosforlarni ham o‘zlashtirish qobiliyatiga ega.
Kaliy, natriy, xlor. Bu elementlarning boshqa elementlardan saqlanishidagi farqi shundan iboratki ular tananing suyuq qismida va yumshoq to‘qimalarida bo‘ladi. Osmotik bosimning normal bo‘lishida qon va limfaning faol reaksiyasining boshqarilishida va organizmda suv boshqarilishida ishtirok etadi.
Kaliy protaplazma tarkibida bikorbanat fosfat va xlorid shaklida bo‘lib yetishmaganda ishtaxa yo’qoladi, sust o‘sadi, yurak ishiga ta’sir ko‘rsatadi (aritmiya), qon bosimi pasayadi, jigar va buyrak ishi buziladi, urg‘ochi hayvonlarda tuxum xo‘jayrasining otalanishi buziladi.
O‘simik ozuqalari, ayniqsa yosh o‘t va ildizmevalilar kaliyga boy bo‘ladi. Yetishmaslik hollari kam uchraydi. Yerga kaliy o‘g‘itlarining ko‘p solinishi ozuqalarda kaliyning ko‘payishiga sabab bo‘ladi, natijada magniy kamayadi. Bu elementlarning o’zaro nisbatini buzilishi hayvonlarda og‘ir kasallik magnemiyani vujudga keltiradi. Organizmda ortiqcha kaliy bo‘lsa tezak va siydik bilan chiqib ketadi.
Natriy - asosiy kation hisoblanib qon va limfadagi kislotani neytrallaydi. Kavshovchi hayvonlar so‘lagidagi bikorbanat natriy tarkibining asosiy qismini tashkil etib katta qorinda kislotalik darajasini normallashtiradi (RN 6,5 - 7,0), osh tuzi osmotik bosimni boshqaradi, amilaza fermentini faollashtiradi.
Natriy yetishmaganda ishtaha yo’qoladi, o‘sish susayadi, issiqlik ajralishini tezlashtiradi, to‘qimalarda oqsil va yog‘ ishlab chiqarish pasayadi. O‘simik dunyosidan olinadigan ozuqalar tarkibida natriy kam bo‘lganligi uchun, havonlar ratsionga osh tuzi va natriy bikorbanat qo‘shilishi natriyga bo‘lgan talabni qondiradi.
Marganets - bu element hayvonlar suyagida, jigarda, buyrakda, me’da osti bezida va gipofizda to‘planadi. Marganets organizmda oqsil, yog‘ va uglevodlar almashinuvi bilan bog‘liq bo‘lgan fermentativ jarayonlarni boshqaradi va faollashtiradi.
Oziqlantirish me’yorida bo‘lgan holatlarda marganetsning yetishmovchiligi juda kam uchraydi. Bu element yetishmasa buzoqlar o’sishdan qoladi, oyoqlar deformatsiyalanadi, sigirlada bola tashlash holatlari kuzatiladi.
Jo‘jalarni oziqlantirishda perozisning oldini olishda (oyoq suyaklarning noto’g‘ri shakllanishi) muhim ahamiyati bor.
Yaylov o‘tlarining 1 kg quruq moddasida 40-200 mg, nordon tuproqlarda o‘sgan o’tlarda esa 500-600 mg ga yetishi mumkin. Yog‘ beruvchi o‘simiklar urug‘ida marganets ko‘p saqlanadi. Achitqida, makka donida va hayvonot olamidan olinadigan ozuqalar tarkibida kam uchraydi.
Amaliyotda hayvonlarning marganets bilan zaharlanishi holati uchramaydi. Tuxum beruvchi tovuqlar ratsionida 1000 mg /kg miqdorda berilganda ham zaharlanish kuzatilmagan.
Rux - Bu element hayvon organizmining barcha organlarida uchraydi. Rux, suyak to‘qimalarida jigarga nisbatan ko‘proq miqdorda to‘planadi. Bundan tashqari rux terida, junda ham ko‘p uchraydi. Hayvonlar yaylovda boqilganda rux yetishmovchiligi kuzatilmaydi. Cho‘chqalar, ayniqsa uning bolalari faqat quruq donlar aralashmasi bilan oziqlantirilganda rux yetishmaydi va parakeratoz bilan kasallanadi.
Rux yetishmasligining klinik belgilari: o‘sish susayadi, teri qizaradi. Barcha turdagi hayvonlarning ruxga bo‘lgan talabini qondirish uchun ozuqaning 1 kg quruq modasida 40-60 mg bo‘lsa kifoyadir.
Xlor - ham natriy singari o‘simik ozuqalarida kam bo‘ladi. Sho‘rlangan yerlarda o‘sgan o‘simiklarda xlor ko‘proq bo‘ladi. Hayvon organizmida xlor me’da shirasida, qonda, limfada, terida va teri osti kletchatkasida uchraydi. Hayvonlarning xlorga bo‘lgan talabi yetarli darajada o‘rganilmagan. Ozuqalar tarkibidagi xlorga qo‘shimcha holda osh tuzidan foydalaniladi.
Magniy - hayvon organizmida modda almashinuvida magniy, kalsiy va fosfor bilan uzviy bog‘liq bo‘ladi. Organizmdagi magniyning 70% skletda saqlanadi, qolganlari to‘qima va to‘qima suyuqlikda bo‘ladi. Suyak to‘qimalarida kalsiy magniyga nisbatan ko‘proq uchraydi, muskul va terida aksincha bo‘ladi.
Yosh o‘suvchi buzoqlar faqat sut bilan oziqlantirilganda, organizmlarida magniyning yetishmasligi kuzatiladi, ayniqsa bu element suyak, qon zardobida kamayib ketib tetoniya kasalligiga olib kelib o‘lim bilan tugashi kuzatiladi. Ayniqsa bu holat 50-70 kunligida ko‘proq yuz beradi. Katta yoshdagi hayvonlarda ko‘proq bahor va yoz oylarida yaylovda yosh ko‘k o‘tlar bilan oziqlanganda bu elementning yetishasligi kuzatiladi.
Tepaniya birdaniga kutilmaganda yuz berib hayvon tuzalmaydi, qon zardobida me’yor bo‘yicha 4-1,7 mg|% bo‘lsa u 0,5 mg/% tushib qoladi. Aniq simptomlari quyidagicha bo‘ladi: yuz muskullari tortiladi, yurishda chayqashish paydo bo‘ladi, nerv qo‘zg‘alishi kuzatiladi.
Magniyning asosiy manbalari: bug‘doy kepagi, quritilgan achitqi, kunjara va shrot, dukkaklilar o‘tlar. Yoz davrida 1 bosh sog‘in sigirga 1 kunda 50 mg magniy oksidi berish zarur.
Oltingugurt - bu element organizmda birikgan holda ko‘pincha aminokislotalar (sistin, metionin) tarkibida birikkan holda uchraydi va to‘qima oqsillari hamda jun tolasida bo‘ladi. Jundagi sistien tarkibida 4% oltingugurt bo‘ladi. Agarda ozuqa tarkibida protein yetarlik bo’lsa oltingugurt organizmda ham yetarlik bo‘ladi.