Toshkent davlat agrar universiteti termiz filiali fitopatologiya fanidan

 
 
 
 
 
 
 
 
 
 
 
 
 
 
 
 
 
I.2. LABORATORIYA MASHG’ULOTLARI

---

1-Laboratoriya: O’SIMLIK KASALLIKLARINING ASOSIY BELGILARI 
Ish rejasi: 
1. Dog’‘lanish 
2. G‘uborlarni hosil bo‘lishi 
3. Yastiqchalarni hosil bo‘lishi 
4. So‘lish 
5. Shishlarning hosil bo‘lishi 
6. Chirish 
7.O‘simlik a’zolarini o‘zgarishi (deformatsiya). 
Zaruriy jixozlar:
O‘simlik kasalliklarini tashqi belgilari bilan tanishtirish bo‘yicha 
o‘tkaziladigan darsga kasalliklarni turlariga taluqli gerbariy namunalari o‘simliklarning poyasi, 
bargi, ildizi, guli xamda mevalaridan olingan bo‘lishi kerak. Lupalar. 
Topshiriq:
1.Kasallikni tashqi belgilari bilan tanishish. 
2.Mikroskopda ko‘rish va rasmlarni chizish. 
Patologik jarayonni kechishi o‘simliklardan kasallik belgilarini yo’zaga kelishiga sababchi 
bo‘ladi. Bu kasalliklarni kelib chiqishiga qarab yuqumli va yuqumsiz kasalliklarga ajratiladi. 
Yuqumsiz kasalliklar o‘simlikni o‘sishi va rivojlanishi uchun noqulay bo‘lgan tashqi muhit, 
ya’ni tuproqdagi oziqa moddalarini va namlikni kam yoki ko‘p bo‘lishi, obu-havo sharoitining 
noqulayligi, mexanik shikastlanish, havodagi zaharli moddalar, ionli nurlar ta’sirida yo’zaga keladi. 
Yuqumli kasalliklarni viruslar, mikoplazmalar, bakteriyalar, aktinomitsetlar, zamburug’‘lar va gulli 
parazit o‘simliklar qo‘zg‘atadi. 
O‘simliklarning kasalliklarini kelib chiqishidan qat’iy nazar, ularni tashqi ko‘rinishiga qarab 
bir necha guruhlarga bo‘linadi. 
SO‘LISH 
So‘lish – o‘simlikning ildizi yoki o‘tkazuvchi to‘qima naychalarini zararlanishi tufayli sodir 
bo‘ladi. Mikroorganizmlar ta’sirida so‘lish yo’zaga kelsa, o‘simlikning o‘tkazuvchi to‘qima naylari 
spora yoki mitseliylari bilan to‘lib, ulardan ajralayotgan zahar tufayli naylar qo‘ng‘ir tusga kiradi. 
Bu esa suvni ildizdan Yuqoriga ko‘tarilishiga xalaqit beradi. 
Tashqi muhitning yuqumsiz sharoiti ham o‘simlikning so‘lishiga sababchi bo‘lishi mumkin 
(qurg‘oqchilik, ildizni qirqilishi).