Toshkent davlat agrar universiteti samarqand filiali

1.1-jadval

T/r	SHudgorlash usulllarining nomi	Gumus miqdori, %
		0-10 sm qatlamda	10-20 sm qatlamda	20-30 sm qatlamda	30-40 sm qatlamda
1.	Oddiy shudgorlash	1,214	1,184	1,209	1,080
2.	G‘o‘zapoyani oddiy plug bilan ko‘mib shudgorlash	1,333	1,267	1,302	1,105
3.	G‘o‘zapoyani ikki yarusli plug bilan ko‘mib shudgorlash	1,341	1,265	1,363	1,296

1.1-jadval tahlili har bir qatlamda gumus miqdorining, jumladan birinchi usulga nisbatan uchinchi usulda 0-10sm qatlamda 10%, 10-20 sm qatlamda 6,8%, 30-40 sm qatlamda esa 20% ga oshganligini ko‘rsatadi. SHuni inobatga olish lozimki, har bir gektar maydonga 3-4 t (300-400 gr/m²) g‘o‘zapoya uzluksiz uch yil davomida ko‘milgan. Tadqiqotlar natijalariga ko‘ra, g‘o‘zapoyani ikki yarusli pluglar bilan 40 sm chuqurlikka ko‘mish paxta hosildorligini 2,9 s/ga, mineral o‘g‘itlar bilan qo‘shib berilganda esa 4,1 s/ga miqdorida oshganligi aniqlangan [24-29].

G.I.YArovenko va boshqalar [25] tajribaning birinchi qismida maydalangan va maydalanmagan g‘o‘zapoyalarni dala yuzasiga qo‘lda sochib ularni plug bilan 30 sm chuqurlikgacha ko‘mganlar. Ikkinchi qismida, g‘o‘zalarni parvarishlash davrida qator yoniga 18 sm chuqurlikkaga, egat o‘rtasiga esa 4 sm chuqurlikka mineral o‘g‘itlar berishgan. Tajribaning birinchi qismida maydalangan va maydalanmagan g‘o‘zapoyalarni ko‘mish
imkoniyatlarini aniqlash, ikkinchisida esa g‘o‘zapoya tarkibidagi azot va fosfor hisobiga beriladigan mineral o‘g‘it miqdorini kamaytirishni aniqlash maqsadi qo‘yilgan. CHunki g‘o‘zapoya tarkibida bir foiz organik azot va shunga yaqin miqdorda organik fosfor borligi ma’lum bo‘lgan.
Gektariga 4 t miqdorida ko‘milgan g‘o‘zapoyalar bo‘yicha tajriba natijalari tahlil qilinganida, g‘o‘zaning rivojlanishi, balandligi va hosildorligiga sezilarli ta’sir ko‘rsatgan (1.2-jadval). [25]