6-sinf geografiya

Jumaxanov Sh.Z., Siddiqov S.Sh.


GEOGRAFIK MASALA VA MASHQLAR


(USLUBIY KO‘RSATMA)


N a m a n g a n – 2 0 16

Uslubiy ko‘rsatma ikki qismdan iborat bo’lib, birinchi qismida geografiya fanidan amaliy mashg’ulotlar variantlari va ularni bajarish tartibi keltirilgan bo’lsa, ikkinchi qismida qiziqarli ma’lumotlar yoritilgan.

Ushbu kitob geografiya sohasidagi o’qituvchi, talaba, magistr va ushbu masala bilan qiziquvchi barcha mutaxassislarga mo’ljallangan.
Mas’ul muharrir: Soliyev E. Namangan davlat universiteti geografiya kafedrasi katta o‘qituvchisi, geografiya fanlari nomzodi


Taqrizchilar: Mirzaahmedov H. Namangan davlat universiteti geografiya kafedrasi dotsenti, geografiya fanlari nomzodi
Qo`ldasheva M. Namangan viloyati xalq ta’limi hodimlarini qayta tayyorlash va malakisini oshirish instituti Tabiiy va aniq fanlar ta’limi kafedrasi o’qituvchisi

Namangan davlat universiteti ilmiy‑uslubiy kengashining 2016 yil 11-may kunidagi 8‑sonli yig’ilish bayonnomasi qaroriga muvofiq nashr etishga ruxsat berilgan.
© Jumaxanov Sh. Z., Siddiqov S.Sh.
©“Namangan”, 2016 y.


So`z boshi

Mamlakatimiz ta’lim-tarbiya tizimining hozirgi davrdagi asosiy vazifalaridan biri yosh avlodni vatanparvar, milliy istiqlolimiz g`oyalariga sadoqatli, zamonaviy bilim, ko’nikma va malakalarni puxta o’zlashtirgan hamda jamiyatda o’zining munosib o’rnini egallashga qodir bo’lgan barkamol shaxslarni tarbiyalab yetishtirishdir.

Xalqimizning shunday ezgu maqsadlarini ro’yobga chiqarish yo’lida mustaqillikka erishganimizdan so’ng yurtboshimiz rahnamoligida ta’lim-tarbiya sifati va samaradorligini zamon talablari darajasiga ko’tarish davlat siyosatining ustivor yo’nalishlaridan biriga aylandi. Buning uchun davlat umummilliy dasturi doirasida barcha sharoitlar yaratildi.
Bugungi kunda ilm-fan, texnika va ishlab chiqarish sohalarining tez sur’atlarda jadal rivojlanishi barcha ta’lim muassasalarida ta’lim-tarbiya sifatini mazmun jihatidan yangi bosqichga ko’tarishni talab etmoqda. Shuning uchun mamlakamtimiz ta’lim tizimida jahon tajribasida sinab ko’rilgan turli ta’lim vositalaridan va yangi pedagogik texnologiyalarning xilma-xil usullaridan keng foydalanilmoqda.
Ta’limning mana shunday eng muhim vositalaridan biri geografik fanlarda amaliy mashg’ulotlarni bajarish masalasi turadi.
Maktab o’quv dasturlariga kiritilgan barcha fanlarni o’qitishda o’quvchilarga puxta bilim va tarbiya berishda, ularning darslardan olgan bilim, ko’nikma va malakalarini sinab ko’rish hamda mustahkamlashda test savollari tizimidan foydalanish beqiyos ahamiyatga egadir.
Qo’llanmada keltirilgan uslubiy fikrlar va unda berilgan amaliy mashg’ulot savollari geografiya fani o’qituvchilarimizning o’quvchilarga mukammal bilim va tarbiya berishdek mas’uliyatli va mashaqqatli ishlariga oz bo’lsada yordam beradi degan umiddamiz.