Toshkent axborot texnologiyalari universiteti urganch filiali

1-Topshiriq
2-Topshiriq
	O’qish
1	O’QUVCHI (ism,yosh, maktab, sinf)	LITSEY
2	ABITURIENT (ism, sana, ball, o’rta ball)	INSTITUT
3	O’QUVCHI (ism, klass, telefon, yosh)	MAKTAB
4	TALABA (ism, gurux, yosh, viloyat)	KOLLEJ
	Ish
5	ISHCHI (ism, tsex nomeri, razryad, staj)	SEX
6	SHAXS (ism, yosh, jins, millat)	ZAVOD
7	XODIM (ism, lavozim, sana, oylik)	BO’LIM
8	XIZMATCHI (ism, yosh, bo’lim, staj)	TASHKILOT
	Dars
9	KURATOR (ism, kafedra, staj, gruppa)	GURUX
10	DOMLA (ism, kafedra, staj, lavozim)	KAFEDRA
11	O’QITUVCHI (ism, maktab, staj, predmet)	SINF
12	MURABBIY (ism, maktab, staj, sinf)	FAKULTET
	Sport
13	XOKKEYCHI (ism, yosh, amplua, komanda)	FEDERATSIYA
14	BOKSCHI (ism, mamlakat, vazn, uchrashuvlar, g’alabalar)	KLUB
15	FUTBOLCHI (ism, yosh, amplua, gollar)	KOMANDA

Nazorat savollari:

1. 
   Struktura deganda nimani tushinasiz?
   
2. 
   Struktura qanday e’lon qilinadi?
   
3. 
   Strukturaning massiv hamda to’plamdan farqi nimada?
   
4. 
   Struktura elementiga qiymat qanday o’zlashtiriladi?
   

Tajriba ishi № 2

Mavzu: Microsoft visual c++ da sinflar va obyektlar yaratishni o’rganish

Ishdan maqsad: Microsoft Visual 2012 muhitida C++ dasturlash tili vositasida sinflar va obyektlar yaratishni o’rganish.

Nazariy qism:

Sinflar va sinf a’zolari

Yangi tip sinfni e’lon qilish bilan tuziladi. Sinf - bu bir – biri bilan funktsional orqali bog’langan o’zgaruvchilar va usullar to’plamidir. Sinflarga amaliyotdan ko’pgina misollar keltirish mumkin. Masalan, avtomabilni g’ildirak, eshik, o’rindiq, oyna va boshqa qismlardan tashkil topgan kolleksiya yoki haydash tezligini oshirish, to’xtatish, burish imkoniyatlariga ega bo’lgan obyekt deb tasavvur qilish mumkin. Avtomobil o’zida turli ehtiyot qismlarni va ularni funksiyalarini inkapsulyatsiya qiladi. Avtomobil kabi sinfda ham inkapsulyatsiya qator imkoniyatlarni beradi. Barcha ma’lumotlar bitta obyektda yig’ilgan va ularga osongina murojaat qilish, ularni o’zgartirish va ko’chirish mumkin. Sizning sinfingiz bilan ishlovchi dasturiy qismlar, ya’ni mijozlar sizning obyektingizdan, uning qanday ishlashidan tashvishlanmasdan, bemalol foydalanishlari mumkin.

Sinf o’zgaruvchilarning ixtiyoriy kombinatsiyasidan, shuningdek boshqa sinflar tiplaridan iborat bo’lishi mumkin. Sinfdagi o’zgaruvchilar o’zgaruvchi – a’zolar yoki xossalar deyiladi. Car sinfi o’rindiq, radiopriyomnik, shina va boshqa o’zgaruvchi - a’zolardan iborat. O’zgaruvchi – a’zolar faqatgina o’zlarining sinflarida yotadilar. G’ildirak va motor avtomobilning qanday tarkibiy qismi bo’lsa, o’zgaruvchi – a’zolar ham sinfning shunday tarkibiy qismidir.

Sinfdagi funksiyalar odatda o’zgaruvchi a’zolar ustida biror bir amal bajaradilar. Ular funksiya – a’zolar yoki sinf usullari deb aytiladi. Mashina sinfi usullari qatoriga Haydash() va Tuxtatish() usullari kiradi. Mushuk sinfi hayvonni yoshi va og’irligini ifodalovchi o’zgaruvchi – a’zolarga ega bo’lishi mumkin. Shuningdek, bu sinfning funksional qismi Uxlash(), Miyovlash(), SichqonTutish() usullaridan iborat bo’ladi.

Funksiya – a’zolar ham o’zgaruvchi a’zolar singari sinfda yotadi. Ular o’zgaruvchi a’zolar ustida amallar bajaradi va sinfni funksional imkoniyatlarini aniqlaydi.