Toshkent axborot texnologiyalari universiteti samarqand filiali telekommunikatsiya texnologiyalari fakulteti

IMS arxitekturasi

IMS konsepsiyasi quriladigan tamoyil shundan iboratki, bunda har qanday xizmatni yetkazib berish kommunikatsion infratuzilma bilan hech bir tarzda munosabatda (aloqada) bo‘lmaydi o‘tkazish qobiliyati bo‘yicha cheklanishlar bundan mustasno. Bu tamoyilni gavdalantirib ko‘rsatish IMS ni qurishda foydalaniladigan ko‘p darajali yondoshuv hisoblanadi. U kirish texnologiyasiga bog‘liq bo‘lmagan xizmatlarni yetkazib berishning ochiq mexanizmini amalga oshirishga imkon beradi, bu esa tarmoqda chetki xizmatlarni yetkazib beruvchilarning ilovalarini ishga tushirish imkonini beradi.

Transport darajasi (sathi)
Transport darajasi abonentlarni IMS infratuzilmasida foydalaniladigan qurilma vositasida ulanish uchun javob beradi (User Equipment UE). Mazkur qurilma o‘rnida istagan IMS terminali ishtirok etishi mumkin (masalan, telefon, smartfon, Wi-Fini qo‘llab-quvvatlab KPK yoki keng polosali ulanish). SHuningdek, IMS bo‘lmagan terminal shlyuzlari (masalan, UFT terminallari) orqali ulanish mumkin.
Transport tekisligining asosiy qurilmalari:
- MRF (Media Resource Function) – mediaserver. MRFP (Media Resource Function Processor) multimedia resurslari protsessori va MRFC kontrolleridan tashkil topgan.

• 
  MRFC konferens aloqa, xabardor qilish yoki uzatilayotgan signalni qayta kodlash kabi xizmatlarning amalga oshirilishini ta’minlaydi. MRFC SCSCT (Serving Call Session Control Function) uzeli orqali olinadigan SIP xabarlarni qayta ishlash va MRFP protsessorni boshqarish uchun mediashlyuzni (MGCP, 11.248 MEGACO) boshqarish protokoli buyruqlaridan foydalanish nazarda tutiladi. Biroq hozir MRFC va MRFP orasidagi o‘zaro bog‘lanish uchun SIP/XML asosida protokolni ilgari siljitish bo‘yicha kuch sarflanmoqda. Bundan tashqari MRFC tarifikatsiyalash va billing tizimlariga zarur axborotlarni taqdim etishni ta’minlaydi.
  
• 
  MRFR – MRFR protsessori tarmoq mediaresurslarini MRFC dan keladigan buyruqlarga muvofiq taqsimlaydi. Uning asosiy vazifalari quyidagilardan iborat:
  
• 
  Xabardor qilish xizmatlari va h.k. lar uchun oqimlarga, multimedia ma’lumotlariga xizmat ko‘rsatish;
  
• 
  Kiruvchi multimedia oqimlarini qayta ishlash, masalan, transkodlash;
  
• 
  MGW (Media Gateway) – transport shlyuzi, RTP oqimlarini kanallarni kommutatsiya qilib (UFTT) tarmoqlari oqimiga to‘g‘ri va teskari almashtirishni ta’minlaydi;
  
• 
  I-BGF (Interconnect Border Gateway Function) tarmoqlararo chegara shlyuzi, IPv4 va IPv6 tarmoqlar orasidagi o‘zaro aloqalarni ta’minlaydi. Xavfsizlik funksiyalarining ta’minlanishi uchun (NAPT adreslari va portlarini translyasiya qilish, Firewall funksiyalari, QoS vositalar) javob beradi;
  
• 
  GGSN (Gateway GPRS Support Node) – GPRS shlyuz uzeli yoki marshrutlash uzeli: uyali tarmoqlar (uning GPRS qismi) va IMS o‘rtasidagi shlyuzni ifoda etadi GDSN ning asosiy vazifasi SGSN orqali abonentga keluvchi va undan chiquvchi ma’lumotlar roumingi (marshrutlash) hisoblanadi.
  
• 
  SGSN (Serving GPRS Support Node) – GPRS abonentlarga xizmat ko‘rsatish uzeli: GPRS tizimining paketli axborotni qayta ishlashning barcha funksiyalarini amalga oshirish bo‘yicha asosiy komponenti;
  
• 
  PDG (Packet Date Gateway) – paketli shlyuz. Mazkur tarmoq elementi WLAN foydalanuvchilar qurilmasining IMS ga kirishini ta’minlaydi. Masofadagi IP-adresning translyasiyasi uchun javob beradi. IMS da foydalanuvchilar qurilmasini ro‘yxatdan o‘tkazishga (qayd qilishga) javob beradi, xavfsizlik vazifasini bajarishni ta’minlaydi;
  
• 
  WAG (Wireless Access Gateway) – simsiz kirish shlyuzi WLAN va IMS tarmoqlarining birikishini ta’minlaydi;
  

A-BGF/BAS (Access Border Gateway Function/Broadband Access Switch) keng polosali foydalanuvchilar qurilmasining kirishini ta’minlaydi. I-BGE ga o‘xshash vazifalarni bajaradi:

• 
  DSLAM (Digital Subscriber Line Access Multiplexer) – raqamli abonent kirish shlyuzi – keng polosali kirishdan (statsionar, masalan, xDSL, KTB tarmoq) foydalanuvchi abonentlarni ulashni ta’minlaydi.