|
Boshqarish tekisligi
Boshqarish darajasi – bu IMS funksiyalarining aloqa seanslarini boshqarish bo‘yicha barcha amallarni bajaruvchi yig‘indisidir.
Asosiy elementlari:
CSCF (Call Session Control Function) – chaqiruvlar va seanslarni boqsharish funksiyalari bo‘lgan element CSCF funksiya IMS-platformasini boshqarish tekisligida asosiy hisoblanadi. CSCF moduli SIP protokolidan foydalanib, IP transport vositasida real vaqt xizmatlari to‘plamini etkazib berishni ta’minlovchi vazifalarni bajaradi. CSCF funksiya tarmoq resurslarini (chegaraviy qurilmalar, shlyuzlar va ilovalarning serverlari) foydalanuvchilarning va ilovalarning profiliga bog‘liq holda samarali boshqarish uchun dinamik axborotdan foydalanadi. CSCF moduli uchta asosiy funksiyalarni o‘z ichiga oladi:
Serving CSCF (S-CSCF) – CSCF ga xizmat ko‘rsatuvchi chetki qurilmalar almashinadigan barcha SIP-xabarlarni qayta ishlaydi;
Proxy CSCF (P-CSCF) – u orqali IMS tizimiga barcha foydalanuvchilar profili kelib tushadi;
Interrogating CSCF (I-CSCF) – CSCF ni talab qilib oluvchi. U uy tarmog‘i bilan ulanish nuqtasini ifodalaydi. I-CSCF aniq bir abonent uchun S-CSCF ni topish uchun IISS ga murojaat qiladi.
S-CSCF IP transportning multimediali xabarlarini etkazib berish seanslarini boshqarishni ilovalar va foydalanuvchining profiliga bog‘liq holda ta’minlaydi, shu jumladan, terminallarni ro‘yxatga olish, IISS serveri bilan ikki tomonlama o‘zaro aloqa (undan foydalanuvchilar ma’lumotlarini olish), xabarlarni tahlil qilish, marshrutlash, tarmoq resurslarini boshqarish (shlyuzlar, serverlar, chegaraviy qurilmalar).
P-CSCF – mazkur tarmoqning IMS terminallari uchun IMS yadrosi ichida signal darajasidagi birinchi kontak nuqtasini yaratadi. P-CSCF funksiya terminaldan yoki terminalga talabni qabul qiladi va uni IMS yadrosi elementlariga marshrutlaydi. Foydalanuvchining xizmat ko‘rsatiladigan terminali qayd qilishning butun vaqtiga tarmoqda ro‘yxatga olishda P-CSCF ning funksiyasiga mahkamlanadi. P-CSCF moduli foydalanuvchini autentifikatsiya qilish bilan bog‘liq funksiyalarini amalga oshiradi, hisobga olish yozuvlarini shakllantiradi va ularni to‘lovni hisoblash serveriga uzatadi. P-CSCF ning elementlaridan biri Policy Decision Function (FDE) hisoblanadi – axborot trafigi tavsiflari bilan amallar bajaruvchi (masalan, talab qilinadigan o‘tkazish qobiliyati) va seansni tashkil qilish yoki uni man qilish imkoniyatini, seans parametrlarini o‘zgartirish zaruriyatini va h.k. ni aniqlovchi siyosatni tanlash funksiyasi.
I-CSCF mazkur tarmoqning abonentlari bilan barcha tashqi ulanishlar uchun IMS yadrosi ichida signal darajasida birinchi kontakt nuqtasini yaratadi. I-CSCF modulining asosiy vazifasi – tashqi abonentning xizmatlardan foydalana olish bo‘yicha imtiyozlarni identifikatsiya qilish, ilovalar serverini tanlash va unga kirishni ta’minlashdir.
BGCF (Breakout Gateway Control Function) – shlyuzlarni boshqarish funksiyasi, kanallar kommutatsiyasi domeni (UFTT yoki GSM) va IMS tarmog‘i orasidagi chaqiruvlarni qayta uzatishlarni boshqaradi. Mazkur modul telefon raqamlari asosida marshrutlashni amalga oshiradi va IMS tarmog‘i orqali (BGCF serveri joylashgan joyda) UFTT yoki GSM bilan o‘zaro aloqada bo‘ladigan kanallar kommutatsiyasi (KK) domenida shlyuzni tanlaydi. SHuningdek, KK tarmoqlari abonentlari uchun to‘lovni hisoblash uchun tegishli hisob yozuvlarini qo‘llab-quvvatlash amalga oshiriladi.
MGCF (Media Gateways Control Function) shlyuzlarni boshqarish funksiyasi (Media Gateways) – MEGACO dan foydalanib IMS transport shlyuzlaridan birikishlarni boshqaradi.
SGW (Signaling Gateway) – signal shlyuzi UFTT signalizatsiyani MGCF ga tushunarli ko‘rinishga o‘zgartirishni ta’minlaydi. IMS yadrosi bilan SIG-IRAN protokollar guruhi interfeyslari orqali bog‘langan.
RACS (The Resource and Access Control) – resusrlar va kirishni boshqarish tizimosti – kirishni boshqarish (ixtiyorida bo‘lgan mavjud resurslar, mahalliy siyosat asosida yuklash) va tarmoqqa shlyuzni boshqarish yordamida kirish (Gate Control), shu jumladan, tarmoq adreslari va portlarini almashtirishni boqsharish va ustuvorlikni biriktirish.
PDF (Policy Decision Function) – axborot profili tavsiflari bilan amallarni bajaruvchi (masalan, talab etiladigan o‘tkazish qobiliyati) va seansni tashkil etish mumkinligini yoki uni ta’qiqlash mumkinligini, seans parametrlarini o‘zgartirish zarurligini va h.k. larni aniqlovcht siyosatni tanlash funksiyasi.
NASS (Network Attachment Subsystem) – tarmoqning ulanish qism tizimi – uning asosiy vazifalariga IP-adreslarni dinamik tayinlash (DHCP dan foydalanib – Dynamic Host Configuration Protocol), IP darajasida autentifikatsiya, tarmoqqa kirishni yuklash, IP darajasida turgan joyni boshqarish kiradi.
Do'stlaringiz bilan baham: |
