Тошкент ахборот технологиялари университети

16.3.4. Акс садони бартараф этиш

Ушбу методдан худди алоқа каналлари частоталар характеристикасини тўғрилаш методидек замонавий модемларда кенг фойдаланилади. Катта тезлик билан ишловчи модемлардан дуплекс иш ҳолатида – бир вақтнинг ўзида сигнал узатиш ва қабуллашда фойдаланилади. Дуплекс иш ҳолатида сигналларни узатиш ва қабуллашда ягона – умумий частоталар полосасидан фойдаланилади. Бу иш ҳолатида узатилаётган сигнал ушбу станциянинг қабуллаш қурилмасига тўғридан-тўғри таъсир қилиб, унинг иш ҳолатига халақит беради. Ушбу узатиш станцияси нурлатаётган сигнал турли йўллар билан тарқалиши ва турлича бузилиши мумкин (16.8-расм). Бу акс-садо сигналини адаптив фильтр ёрдамида йўқотиш мумкин. Бунда акс-садо тарқалиш трактини тўғри индетификациялаш усулидан фойдаланиш мумкин.




16.8-расм. Акс-садо сигналининг шаклланиши.


Адаптив фильтр киришига узатиш қурилмаси модеми сигнали таъсир қилади ва намунавий сигнал сифатида акс-садоли қабулланган сигналдан фойдаланилади (16.16-расм). Адаптив фильтр акс-садо сигнал баҳосини шакллантиради ва хатолик сигнали акс-садодан тозаланган қабул қилинаётган фойдали сигналга мос бўлади.




16.16-расм.Адаптив фильтр ёрдамида акс-садони йўқотиш тизими структуравий схемаси.


Акс садони йўқотиш тизими тўғри ишлаши учун узатилаётган ва қабул қилинган сигналлар ўзаро корреляцияси – боғлиқлиги бўлмаслиги керак. Бунинг учун узатиш қурилмаси модемига берилаётган дискрет маълумотлар дастлаб скремблерлаш жараёнидан ўтказилади, яъни псевдотасодифий битлар кетма-кетлигига алмаштирилади. Бунда икки бир-бири билан бирга ишловчи модемларда турли скремблерлардан фойдаланали, натижада улар узатилаётган сигналларнинг бир-бири билан корреляцияси бўлмаслиги таъминланади. 16.16-расмда келтирилган структуравий схема асосида акс-садони йўқотиш методидан ҳамма замонавий модемларда фойдаланилади.