Тошкент ахборот технологиялари университети “телевидение асослари”

Таянч иборалар: block, pixel, motion estimation, motion compensation, discret cosinus transform, DCT equation, time domain, video coding, Huffman coding, OFDM, COFDM, QAM modulations, vector length.


2.1. Телевизион сигналларнинг ортиқча ахборотининг турлари ва уларни йўқотиш усуллари
Тасир сигналларини сиқиш асосан 2 усул билан амалга оширилади. Бу сифатни йўқотиш орқали сиқиш ва сифатни йўқотмасдан сиқиш.
Телевизион тасвирнинг тахлили шуни кўрсатадики, улар катта ҳажмли ортиқча маълумотларга эга ва қуйидаги синфларга бўлиш мумкин:
1) Кодлик ортиқчалик;
2) Элементлараро ёки статистик ортиқчалик;
3) Психовизуал ортиқчалик;
4) Тузилмавий ортиқчалик;
5) Вақтли ёки кадрлараро ортиқчалик.


Кодлик ортиқчалик тасвирда бир хил кўринишдаги ва ёруғлик нурини бир хил қайтарадиган кўплаб обектлар (таркибий қисмлар) мавжуд бўлиб, уларнинг юзаси бир хил ёруғлик нурларини шакллантиради ва бундай ҳолат кўп тарқалган. Мисол учун 2.1- расмга қаранг.
Бундай ҳолат узатилаётган маълумотнинг ҳажмини 20 - 25% га камай-
тиришга имкон беради.

2.1- расм. Тасвирни кодли ва элементлараро ортиқчаликни кўрсатувчи мисоллар
Психофизик ортиқчалик кўзимизнинг кўриш қобилиятига асосланган, яъни тасвирдаги маълумотнинг айрим қисмидаги маълумот йўқотилиши унинг сифатига сезиларли даражада таъсир этмаслиги мумкин. Масалан: кўз ёруғлик ўзгаришидан кўра ранг ўзгаришини камроқ сезади.
Тузилмавий ортиқчалик 2.2-расмда кўрсатилган ҳолатдагидек, тасвирнинг айрим қисмларида пайдо бўлади. Буни йўқотиш учун тасвир сканер қилиниб, қайтариладиган қисмлари, фрагментлари (фракталлари) аниқланади ва улар аввал аниқланган фрагментлар ифодасига алмаштирилади ҳамда шу орқали узатилаётган маълумот ортиқчалик ҳажми камайтирилади.

2.2-расм. Тузилмавий ортиқчаликни кўрсатувчи мисол



2.3-расм. Видеосюжетдаги қўшни кадрлар ва улардаги кадрлараро фарқининг кўриниши.