Тошкент-2021 3 Январь 2021 10-қисм Тошкент январь 2021 йил. Тошкент: «Tadqiqot»

Январь 2021 10-қисм
Тошкент
BOSHLANG‘ICH SINF O‘QUVCHILARIGA TA’LIM BERISHDA 
KOMPETENSIYAVIY YONDASHUV
Quryozov Farhod Rahimovich 
Xorazm viloyati Yangibozor tumani 
17-son umumiy o‘rta ta’lim maktabi
boshlang‘ich sinf o‘qituvchisi
e-mail: [e-mail] 
Annotatsiya:
Ushbu tezisda boshlang‘ich sinf o‘quvchilariga yangi zamonaviy pedagogik 
texnologiya va didaktik o‘yinlardan foydalangan holda kompetensiyaviy bilim berish haqida 
fikr yuritiladi. 
Kalit so‘zlar
: innovatsiya, nutq, pauza, texnologiya, intonatsiya, janr, badiiy asar, tahlil qilish, 
didaktik o‘yin,
Ta’lim tizimida bugungi kunda olib borilayotgan islohotlar har bir fan o‘qituvchisini faollikka, 
pedagogika sohasidagi yangiliklardan boxabar bo‘lishga va har bir dars jarayonida yangi 
zamonaviy pedagogik texnologiyalardan samarali foydalangan holda kompetensiyaviy ta’lim 
berishga undaydi. 
Boshlang‘ich sinflarda ifodali o‘qish metodikasida o‘quvchilarning nutq texnikasi: nafas olish, 
ovoz diksiya; nutq logikasi: pauza, urg‘u, ohang va intonatsiyalarga alohida e’tibor qaratiladi. 
Jumladan, 2-sinf “O‘qish kitobi” da keltirilgan Umarali Qurbonovning “Onam” she’rini 
ifodali o‘qishga o‘rgatish jarayonida o‘quvchilarga nafaqat she’rdagi so‘zlar urg‘usi, ohang va 
intonatsiyasi, balki ushbu so‘zlarning mazmuni va mohiyatini tahlil qilish orqali ularning qalbida 
oila a’zolariga g‘amxo‘rlik , mehr-oqibatlilik va mas‘uliyat hissi singdirib boriladi. Ifodali o‘qish 
musobaqasini o‘tkazish asnosida o‘quvchilarda bir-birini tinglash va hurmat qilish tuyg‘ulari 
shakllantirib boriladi.
Boshlang‘ich sinflarda o‘quvchilarning og‘zaki va yozma nutqini o‘stirishda badiiy asarlar 
ustida ishlash katta ahamiyat kasb etadi. Ushbu jarayon ikki bosqichda amalga oshiriladi:
1.Badiiy asar mazmuni bilan tanishtirish.
2.Asar mazmunini uning xususiyatlari bilan birgalikda tahlil qilish. 
Tahlil qilish jarayonida matn ustida ishlashning turlicha usullaridan foydalanish mumkin. 
Masalan, to‘g‘ri sarlavha tanlash, topshiriqqa mos qismini o‘qish, savollarga o‘z so‘zi bilan 
javob berish, asar rejasini tuzish, qaysi janrga (ertak janri, masal janri, she’riy janr, hikoya janri, 
doston janri, maqol janridagi asar ) mansubligini aniqlash va boshqalar.
Kichik yoshdagi o‘quvchilarning bilim samaradorligini oshirish uchun ularning yosh 
xususiyatlari va aqliy aktivligiga mos ravishda kompetensiyaviy ta’lim berishda didaktik o‘yinlar 
tashkil qilish maqsadga muvofiqdir.