Тошкент-2019 Экспертиза тушунчаси, экспертиза турлари ва экспертиза тайинлашнинг хуқуқий асослари

Дастлабки қарорни қабул қилганлик учун тўлов
Манфаатдор шахс дастлабки қарорни қабул қилганлик учун божхона органининг ҳисоб рақамига Ўзбекистон Республикаси Вазирлар Маҳкамаси томонидан 30.04.1999 йилда 204-сонли “Божхона йиғимлари ставкалари тўғрисида” ги қарорида белгиланган тўлов миқдорини тўлайди.
Тўлов тўланишини кўрсатувчи тўлов ҳужжати талабгор томонидан дастлабки қарор қабул қилинганлиги тўғрисидаги хабарнома олингандан кейин божхона органига тақдим этилади ва дастлабки қарорни олиш учун асос ҳисобланади.
Божхона лабораторияларида товарлар намуна (синама) ларини текширув ёки синовлардан ўтказиш имкони бўлмаганда, божхона органлари шартнома асосида ушбу текширув ёки синовларни ўтказиш мақсадида бошқа махсуслаштирилган лаборатория ва идораларга мурожаат этишлари мумкин. Бунда текширув ёки синовлар ўтказишнинг барча ҳаражатлари божхона органи ҳисобидан қопланади.
Дастлабки қарорни бекор қилиш, ўзгартириш ёки чақириб олиш
Дастлабки қарор уни қабул қилган божхона органи томонидан бекор қилиниши, ўзгартирилиши ва чақириб олиниши мумкин.
Ўзбекистон Республикаси Давлат божхона қўмитаси ўзи томонидан ва ҳудудий божхона бошқармалари томонидан қабул қилинган дастлабки қарорларни бекор қилиши, ўзгартириши ва чақириб олиши мумкин.
Агар дастлабки қарор талабгор томонидан тақдим этилган тўлиқ бўлмаган ёки ишончсиз маълумотлар асосида қабул қилинган бўлса, шунингдек дастлабки қарорга боғлик бўлган қонунчиликнинг ўзгаришида, шу жумладан:

• 
  Ўзбекистон Республикасида мажбурий қўллаш учун Халқаро божхона ташкилоти томонидан илгари дастлабки қарор қабул қилинган товарни таснифлашга боғлиқ бўлган қарорларнинг қабул қилинишида;
  
• 
  Ўзбекистон Республикаси Вазирлар Маҳкамаси томонидан ТИФ ТН нинг янги таҳририни тасдиқлашга ёки амалдаги ТИФ ТН таҳририга изоҳ ва қўшимчалар киритишга боғлиқ бўлган қарорларнинг қабул қилинишида дастлабки қарор бекор қилинади ёки ўзгартирилади.
  

Дастлабки қарор шартларига риоя этилмаганда чақириб олиниши мумкин. Дастлабки қарорни бекор қилиш, ўзгартириш ёки қайтариб олиш тўғрисидаги қарор ушбу қарор қабул қилинган кундан бошлаб кучга киради.
Дастлабки қарорни бекор қилиш, ўзгартириш ёки чақириб олишда уни қабул қилганлик учун олинган тўлов қайтарилмайди.
Илгари қабул қилинган дастлабки қарорни ўзгартиришда божхона органи тўлов ундирмаган ҳолда янги дастлабки қарорни қабул қилади ва манфаатдор шахсга топширади.
Божхона органининг дастлабки қарорини бекор қилиш, ўзгартириш ёки қайтариб олиш тўғрисидаги қарор манфаатдор шахслар ва бошқа божхона органлари диққатига ёзма шаклда 3 кун ичида етказилади.
Дастлабки қарорни бекор қилиш, ўзгартириш ёки қайтариб олиш юқори божхона ташкилотларига ёки судга мурожаат қилиш йули билан шикоят қилиниши мумкин.
Дастлабки қарорни бекор қилиш, ўзгартириш ёки чақириб олиш ушбу дастлабки қарорга мувофиқ илгари олиб кирилган товарларга боғлиқ муносабатларда манфаатдор шахсларга ҳеч қандай мажбуриятларни юкламайди.