Тошкент-2019 Экспертиза тушунчаси, экспертиза турлари ва экспертиза тайинлашнинг хуқуқий асослари

Дастлабки қарорни қабул қилиш тартиби тўғрисида Низомнинг қабул қилинишига доир меъёрий-ҳуқуқий ҳужжатлар
Божхона органлари томонидан Товарларни таснифлаш бўйича дастлабки қарорни қабул қилиш тартиби Ўзбекистон Республикасининг «Давлат божхона хизмати тўғрисида»ги қонуннинг 3–6 моддаларида, шунингдек Ўзбекистон Республикаси Божхона кодексининг 52-боб 370, 371-, 372-, 373- ва 374– моддаларида келтирилган.
Дастлабки қарорни қабул қилиш
Талабнома - Ўзбекистон Республикаси Адлия вазирлиги томонидан 2011 йил 12 июлда рўйхатга олинган “Ўзбекистон Республикси ташқи иқтисодий фаолият товарлар номенклатурасига мувофиқ товарларни таснифланишида божхона органлари томонидан дастлабки қарорни қабул қилиш тартиби Низомига ўзгартириш киритиш тўғрисида”ги 1190-1 сонли қарорига мувофиқ 20 кун ичида кўриб чиқилади.
ЎзР ТИФ ТН га мувофиқ товар кодини аниқлаш бўйича зиддиятли ҳолатлар ҳамда уларни хал этишда қийинчиликлар пайдо бўлганда, божхона органи товар намуналари (синамалар)ни ва керакли ҳужжатларни Халқаро божхона ташкилотига текширув ёки синовларни ўтказиш учун юбориши мумкин. Бунда дастлабки қарор божхона органи томонидан талабнома келиб тушган кундан бошлаб 90 кун ичида қабул қилинади.
Божхона органи дастлабки қарорнинг қабул қилинганлиги тўғрисида талабгорни ушбу қарор қабул қлинганидан кейин 3 кун ичида хабардор қлишга мажбур. Дастлабки қарор қабул қлинганлиги тўғрисидаги хабарнома талабгорга ёзма шаклда банк ҳисоб рақами ва дастлабки қарорни қабул қилганлик учун тўловни тўлаш муддати кўрсатилган ҳолда юборилади (топширилади).
Дастлабки қарор божхона органи бошлиғининг ёки унинг ўринбосарининг имзоси билан 2-Иловага мувофиқ расмийлаштирилади.
Давлат божхона қўмитасининг дастлабки қарори икки нусхада расмийлаштирилади. Биринчи нусха талабгорга топширилади (юборилади), иккинчи нусха эса, Ўзбекистон Республикаси Давлат божхона қўмитасининг Марказий божхона лабораториясида қолдирилади.
Ҳудудий божхона бошқармасининг дастлабки қарори учта нусхада расмийлаштирилади. Биринчи нусха талабгорга топширилади (юборилади), иккинчи нусха уни юборган ҳудудий божхона бошқармасида қолади, учинчи нусха Ўзбекистон Республикаси Давлат божхона қўмитасининг Марказий божхона лабораториясига юборилади.
Ўзбекистон Республикаси Давлат божхона қўмитасининг Марказий божхона лабораторияси ҳудудий божхона бошқармаларининг дастлабки қарорларини тўғри чиқарилганлигини кўриб чиқади, шунингдек барча ҳудудий божхона бошқармаларини чиқарилган дастлабки қарорлар билан таништиради.
Талабгор томонидан илгари олинган дастлабки қарор йўқотилган бўлса, унинг дубликатини бериш йули билан дастлабки қарорни тиклаш мумкин. Шундай мақсадларда манфаатдор шахс дастлабки қарор йўқотилганлиги кўрсатиб ўтилган ёзма ариза билан дастлабки қарорни чиқарган божхона органига мурожаат қилади. Дастлабки қарор бланкининг 8-графаси – «Хизмат белгилари учун» да божхона органи «Дубликат» белгисини қўяди.
Илгари олинган дастлабки қарорнинг дубликатини беришда тўлов ундирилмайди.