Тошкент – 2016 Тожиев М

Бажариладиган учинчи вазифа − ушбу ўқув машғулотининг хусусий жадвалларига амал қилган ҳолда, ўқув жараёнини амалга оширишнинг сценарийси ёзилади. Унда ҳар бир “Ўрта модул”да бериладиган билимлар бирма-бир ифодаланиб, уларни таълим олувчиларга етказишда қўлланиладиган дарс типи, педагогик услублар, ахборот-технология ва дидактик материалларнинг қўлланиш жойлари кўрсатилади.
Ушбу алгоритмга асосланиб, "Педагогик технология" тамойилларига суянган ҳолда, исталган ўқув машғулотнинг лойиҳасини тузса бўлади.


IV Боб. ЎҚУВ МАШҒУЛОТЛАРНИ ТЎҒРИ
ЛОЙИҲАЛАШ АМАЛИЁТИ


1-§. Фанларни ўқитиш жараёнида замонавий ўқитувчига қўйиладиган талаблар

Таълим олувчиларнинг ёш хусусиятлари, эҳтиёж ва имкониятларини ҳисобга олган ҳолда, ҳар бир синф якунида математика фанининг асосий мазмуний йўналишлари бўйича таълим олувчиларнинг билим, кўникма ва малакаларига қўйиладиган минимал талабларни аниқлаш мумкин ва у таълим жараёни натижаларини аниқлашда муҳим ҳисобланади.

Таълим олувчилар олдига ДТС ва МТ қўйиладиган талабларни бажаришда ўқитувчининг юқори даражада касбий, назарий ва амалий тайёргарлиги ҳамда шу асосда ташкил этиладиган самарали дарслар муҳим ўрин тутади.
Замонавий дарсни ташкил этиш ҳозирги кун ўқитувчисидан юқори тайёргарликни талаб этиб, улар асосан қуйидагиларни ўз ичига олади:
ҳар бир ўқитувчи ўзи ўқитаётган фаннинг назарий асослари бўйича етарли маълумотга эга бўлиши;
юқори касбий тайёргарликка эга бўлиши ва мустақил равишда ўз устида ишлаши;
замонавий педагогик технология ва интерактив методларни қўллаган ҳолда таълим жараёнини ташкил этадиган, билим, малака ва кўникмаларига эга бўлиши;
ўзи дарс бераётган фан бўйича ўқув меъёрий ҳужжатларни яхши билиши, жумладан,
а) “Давлат таълим стандарти”, “Малака талаблари” унинг таркибий қисми бўлган билим, кўникма ва малака ҳақида тушунчага эга бўлиши;
б) таянч ўқув режа, ўқув фани дастурлари, тавқим мавзу режа, баҳолаш мезонини билиши ва ҳ.з.
Ўқитувчи ҳар бир дарсга пухта тайёрланмасдан туриб таълим жараёнини самарали ташкил эта олмайди. Дарс жараёни самарадорлиги ўқитувчининг дарсга пухта тайёрланиш билан белгиланади. Эътиборсизлик билан режалаштирилган ва пухта тайёрланмаган, таълим олувчилар имкониятлари билан уйғунлашмаган дарс самарасиз бўлиши мумкин. Шунинг учун биринчи навбатда ҳар қандай ўқитувчи дарсга пухта тайёргарлик кўриши лозим.