Тошбоев Ш. О. 17 Болалар анестезиологияси

Элиминацияси.
Анестезия охирида, анестетик юборилиши 
тўхтатилиши билан, унинг альвеоладаги, қондаги ва мия тўқимасидаги 
парциал босими мувозанатига таъсир кўрсатган омиллар, препаратнинг 
организмдан тез чиқиб кетишига имкон яратади. Шундай қилиб, 2- авлод 
анестетикларига қараганда 3-авлод анестетиклари қўлланилганда 
наркоздан кейинги даврда уйғониш муддати қисқаради, бемор тезроқ 
хушига кела бошлайди. Анестетикнинг организмдан тўла элиминацияга 
учраши учун зарур бўлган вақт унинг ѐғ тўқимасидан чиқиб кетиш 
тезлигига кўп жихатдан боғлиқ. Ёғ тўқимасида қон айланиш тезлиги анча 
пастлиги туфайли анестетик организмдан тўлалигича чиқиб кетиши учун 
бир неча кун керак бўлиши мумкин. 
Метаболизми. 
Барча галоген тутувчи анестетиклар у ѐки бу 
даражада биотрансформацияга учрайди. Ушбу анестетикларнинг асосан 
жигарда қайта ишланади ва уларнинг биодегратацияси микросомал 
ферментлар иштирокида юз беради. Галоген тутувчи анестетиклар 
парчаланиши оқибатида ҳам органик, ҳам ноорганик фтор тутувчи 
бирикмалар хосил бўлади. Ноорганик фтор ѐки фтор-ион нефротоксик 
таъсирга эга бўлиб, унинг плазмадаги миқдори 50 мкмоль/л дан юқори 
бўлган тақдирда буйракларга токсик таъсирининг хавфли даражаси 
хисобланади. Газсимон анестеткилар, галоген тутувчи анестетиклардан 
фарқли ўлароқ биотрансформацияга умуман учрамайди (ксенон) ѐки 
метаболизмнинг минимал даражасига эга бўладилар (азот оксиди). Улар 
ўзгармаган ҳолда ўпка ва тери қопламлари орқал чиқиб кетиши туфайли 
токсик реакциялар чақирмайди. Хулоса қилиб айтганда, минимал 
даражадаги биотрансформацияга эга бўлган ингаляцион анестетиклар 
(ксенон, азот оксиди, дезфлюран ва изофлюран) бемор учун хавфсизроқ 
хисобланадилар. 

---

38 
Минимал альвеоляр концентрацияси (МАК). 
МАК – бу 50% 
беморларда тери кесмаси ўтказилганда харакатланишни чеклай олиш 
имконини бера оладиган, ингаляцион анестетикнинг минимал альвеоляр 
концентрациясидир. Содда қилиб айтганда, МАК кўрсаткичи марказий 
асаб тизимининг (МАТ) депрессияланиш даражасини белгилайди ва турли 
анестетикларнинг наркотик қувватини солиштириш имконини акс 
эттиради. МАК бир қатор физиологик ва фармакологик омиллар таъсирида 
ўзгаради (9.2-жадвал).