To’g’ri o’qli sterjenning egilishi. Balka ko‘ndalang kesimlarida ichki zo‘riqish faktorlari: ko‘ndalang kuchlar va eguvchi momentlar. Reja

1.5. Ko‘ndalang kuch va eguvchi moment epyuralarini qurish tartibi
Balkaning har bir ko‘ndalang kesimida ko‘ndalang kuch – Q va eguvchi moment – M hosil bo‘ladi, ularning miqdori (3) va (4) ifodalarga asosan abssissa z ga bog‘liq.
Q(z)(z); M(z)=(z). (5)
Balkalarni hisoblashda eguvchi moment va ko‘ndalang kuchlarning maksimal miqdorlari zarur bo‘ladi. Bu miqdorlarni aniqlash uchun (5) tenglamalarga asosan balkaning uzunligi bo‘yicha ularning grafigi chiziladi. Mazkur grafiklar materiallar qarshiligi kursida epyura deyiladi.
Balkaning uzunligi bo‘yicha ko‘ndalang kuch miqdori o‘zgarishini ifodalovchi grafikni ko‘ndalang kuch epyurasi deyiladi.
Balkaning uzunligi bo‘yicha eguvchi moment qiymatining o‘zgarishini ko‘rsatuvchi grafik chizig‘i eguvchi moment epyurasi deyiladi.
Ko‘ndalang kuch – Q va eguvchi moment – M larning epyuralarini qurishda quyidagi tartibdagi ishlar bajarish tavsiya qilinadi:
1. Balkaning noma’lum tayanch reaksiyalarini aniqlash;
2. Balkaning uchastkalarini belgilash;
3. Har bir uchastka uchun ko‘ndalang kuch va eguvchi moment tenglamalarini tuzish;
4. Ko‘ndalang kuch va eguvchi moment tenglamalariga asosan, balkaning har bir uchastkasi uchun tegishli grafik-epyuralar chiziladi;
5. Qurilgan epyuralarni tekshirish.
Yuqorida berilgan tartib bo‘yicha bir necha balkalar uchun Q va M epyuralari quriladi.