To sh k en t davlat yu ridik in stitu ti

Qimmatli  qog‘ozlar  mulkiy  huquqlami  belgilangan  shaklga  va 
majburiy  rekvizitlarga  amal  qilgan  holda  tasdiqlovchi  hujjatlardir.  Ular 
taqdim  etilgan  taqdirda  mazkur  huquqlami  amalga  oshirish  yoki  boshqa 
shaxslarga  berish  mumkin  bo'ladi.  Qimmatli  qog'ozlar  boshqa  shaxsga 
berilishi bilan ular tomonidan tasdiqlanadigan hamma huquqlar ham o'sha 
shaxsga o'tadi.  Qimmatli qog'ozlarga obligatsiya, veksel,  chek,  depozit va 
jamg'arma  sertifikatlari,  bankning  taqdim  qiluvchiga  pul  beriladigan 
jamg'arma  daftarchasi,  konosament,  aksiya  kabilar  kiradi.  Aksiyalar, 
obligatsiyalar  va  xazina  majburiyatlarida  aks  ettiriladigan  rekvizitlami 
O'zbekiston  Respublikasi  Moliya  vazirligi,  depozit  sertifikatlari  va 
veksellarda  aks  ettiriladigan  rekvizitlami  esa  O'zbekiston  Respublikasi 
Markaziy  banki  belgilaydi.  Qimmatli  qog'ozlar  egasi  nomi  yozilgan  va 
taqdim  etuvchiga  tegishli  deb  ko'rsatilishi  mumkin.  O'zbekiston 
Respublikasi  hududida  (depozit  sertifikatlari  va  veksellardan  tashqari) 
Qimmatli  qog'ozlar  muomalaga  chiqarish  va  ulami  ro'yxatdan  o'tkazish 
qoidalarini  O'zbekiston  Respublikasi  Moliya  vazirligi  tasdiqlaydi.  Davlat 
ro'yxatidan o'tkazilgan hamda belgilangan tartibda ro'yxat raqamini  olgan 
qimmatli  qog'ozlamigina  O'zbekiston  Respublikasi  hududida  chiqarilishi 
va muomalada bo'lishiga yo'l qo'yiladi.  Davlat ro'yxatidan o'tkazilmagan 
qimmatli qog'ozlami chiqarish g'ayriqonuniy hisoblanadi.