Tizimlar va signallarni qayta ishlash

5.6.2. Tebranish konturlari o‘zaro sozlanmagan balanslangan chastota detektori

Tebranish konturlari o‘zaro sozlanmagan balans ChD strukturaviy va elektr sxemasi 5.18-rasmda keltirilgan.

Bunda L₁C₁ kontur ω_r1=ω₀+∆ω va L₂C₂ kontur ω_r2=ω₀−∆ω chastotalarga sozlangan. Agar: kirish signali chastotasi ω=ω₀ bo‘lsa, har ikki tebranish konturidagi kuchlanish bir-biriga teng bo‘ladi, ya’ni U_k1=U_k2, bunda chiqish kuchlanishi U_ch=0; kirish signali chastotasi ω>ω₀ bo‘lsa, L₁C₁ konturdagi kuchlanish U_k1>U_k2 bo‘ladi, natijada U_ch>0 va nihoyat kirish signali chastotasi ω<ω₀ bo‘lsa, L₂C₂ konturdagi kuchlanish U_k1<U_k2 , natijada U_ch<0 bo‘ladi. Ushbu ChD detektorlash xarakteristikasi 6.19-rasmda keltirilgan.

5.18-rasm. Balansli chastota detektori: a) – strukturaviy sxemasi, b) – elektr sxemasi.

5.19-rasm. Balans chastota detektori detektor xarakteristikasi

Balans ChD detektorlash xarakteristikasi, agarda tebranish konturi aslligi Q va konturlar orasidagi o‘zaro sozlanmaganlik ±∆ω to‘g‘ri tanlansa amalda to‘g‘ri chiziqli va simmetrik bo‘ladi. Agar Q va ±∆ω noto‘g‘ri tanlansa ChD detektorlash xarakteristikasi nochiziqli bo‘lib qoladi.

5.6.3. O‘zaro induktiv bog‘langan, kirish ChM signali o‘rtacha chastotasi ω₀ ga sozlangan ChD

Ushbu ChD kirishdagi ChM signal modulyatsiyasini FM ga o‘zgartirish va FD orqali detektorlashga asoslangan.

Konturlari o‘zaro induktiv bog‘langan ChD sxemasi 5.20-rasmda keltirilgan. Odatda ushbu ChD har ikki sxemasidagi elementlar qiymatlari bir xil etib tanlanadi: ya’ni R_yu1=R_yu2=R_yu ; C_yu1=C_yu2=C_yu, va diodlar bir turli.

5.20-rasm. Konturlari o‘rtacha chastotaga sozlangan chastota detektori

L₁C₁ va L₂C₂ konturlar ChM signal o‘rtacha chastotasiga sozlangan. Konturlar chiqishiga AD₁ va AD₂ ulangan bo‘lib, ularning chiqishidagi kuchlanishlar U_ch1 va U_ch2 . Tok doimiy tashkil etuvchisi VD₁→R_yu1→L_dr – L₁ ning yuqori yarim qismi va VD₁ yopiq kontur orqali; ikkinchi diod orqali VD₂→R_yu2→L_dr – L₂ ning pastki yarim qismi va VD₂ yopiq kontur orqali o‘tadi. L_dr – diodlar orqali o‘tuvchi tok doimiy tashkil etuvchisi zanjirini yopish uchun xizmat qiladi. Ushbu ChD da maxsus ayiruvchi qurilma yo‘q, chiqish kuchlanishi U_ch1 va U_ch2 larni bir-biridan oddiy ayirish natijasida hosil bo‘ladi, ya’ni
U_ch=U_ch1−U_ch2; (5.49)

bunda: U_ch1=U_d1K_d=K_d(U₁+0,5U₂);