O‘rta maxsus ta’lim tizimida chet tilini o‘rganishning maqsadi oliy ta’lim muassasalarida ta’limni uzluksiz davom ettirish uchun chet tili fanlaridan egallangan bilimlarni kundalik faoliyatda qo‘llash, fanlarni o‘rganish va ta’lim olishni davom ettirish uchun zarur bo‘lgan bilim va ko‘nikmalar tizimini shakllantirish va rivojlantirishdan iborat.
Oliy ta’lim tizimida iste’molchilar talablariga javob bera oladigan, raqobatbar- dosh va yuksak salohiyatga ega kadrlarni tayyorlash;
oliy ta’limda chet tili mutaxassislarining malaka oshirish va qayta tayyorlash tizimini faollashtirish va zamon talablariga moslashtirish;
dunyoning ilg‘or ta’lim muassasalari bilan sohalar bo‘yicha hamkorlik ishlarini yanada rivojlantirishdan iborat.
Vazifalar:
konsepsiya maqsadlari asosida XXI asrning tez, o‘zgaruvchan va doimiy yangilanib boradigan axborot va texnika manbayini inobatga olgan holda chet tillarini o‘qitish tizimi moslashuvchanligini, yangilanib borishini ta’minlash hamda fan va texnikaning so‘nggi yutuqlarini o‘zida aks ettirish;
ta’lim jarayoniga raqamli texnologiyalar va zamonaviy usullarni joriy etish orqali innovatsion infratuzilmani shakllantirish;
xorijiy hamkorlar bilan ta’lim sohasidagi xalqaro aloqalar va qo‘shma loyiha hamda dasturlar ko‘lamini kengaytirish;
ta’limning barcha bosqichlarida faoliyat olib borayotgan xorijiy mutaxassislar ya’ni til sohiblari ulushini oshirish;
ta’limning barcha bosqichlarida chet tillari oqitilishining uzviyligini va yondosh fanlar integratsiyani ta’minlash;
maktabgacha, umumiy o‘rta, o‘rta maxsus va Oliy ta’lim tizimlarida o‘qitilayotgan chet tillari fanlarini o‘qitishda ta’lim jarayonini o‘zaro uzviyligini ta’minlash;
fan mavzularining mazmunan yaxlitligini, mantiqiy ketma-ketlik va izchilligini, behuda takrorlanmaslik, til o‘rganuvchining yoshi va psixofiziologik xususiyatlariga mos holda faktlar, tushunchalar va qoidalarning tushunarli bayon qilinishi;
chet tili fanining mazmuni va o‘ziga xos xususiyatlarini, malaka talablari va shakllantiriladigan kompetensiyalardan kelib chiqqan holda baholash tizimini ishlab chiqish hamda baholashning barcha bosqichlarida oquvchining Davlat ta’lim standarti asosida olgan bilim, ko‘nikma va malakasiga mos talab belgilash;
o‘quvchilarda real hayotdagi voqea-hodisalarga munosabat bildirish hamda kreativ va tanqidiy fikrlash qobiliyatini rivojlantirish orqali ularning o‘z fikrlarini chet tillarida erkin bayon eta olishlarini, o‘rganilayotgan tilda taqdim etilgan ma’lumotni anglay olish ko‘nikmalarini shakllantiruvchi pedagogik texnologiyalardan foydalanish;
kelajagimiz bo‘lgan yosh avlodni dunyoning rivojlangan mamlakat fuqarolari bilan raqobatlasha oladigan komil inson sifatida tarbiyalash tizimining bir bo‘lagiga aylantirish;
o‘quvchi-talabalar bilimini baholash tizimi texnologiyalarini takomillashtirib borish va xolisonaligini ta’minlash, jumladan, baholashning talabalar bilan bevosita aloqasiz shakllarini rivojlantirib borish.
Do'stlaringiz bilan baham: |