Til haqida tushuncha

Jestlar - insonning qo’l harakatlari bo’lib, u orqali insonning ichki holati,
biror bir ob'ektga munosabati va tashqi olamga yo’nalganligi ifodalanadi.
Mimika - inson yuz harakatlarining bir qismi bo’lib, u orqali insonning
o’ylari, xatti-harakatlari, tasavvurlari, xotirlashi, taajjubi va hokazolarda namoyon
bo’ladi.
Pantomimika - inson tanasi yoki uning qismlari yordamida ifodalanadigan
harakatlar tizimidir.
Signifikatsiya- aniq shartli alomatlar orqali muayyan mantiqiy yuklamani o‘zida aks ettiruvchi kommunikativ xususiyatli noverbal nutq turi. U shartli belgilar, signallar, modellar shaklida ifodalanishi mumkin.
Exologik yoki aks-sado nutqi- his-hayajonli shartli tovushlarda mujassamlashgan axborot uzatish va qabul qilish maqsadini amalga oshiruvchi, tabiiy to‘siqlarga urilib qaytuvchi aloqa vositasi. Aks sado nutq turi bir tomonlama aloqa, tog‘-inson, inson-jism negizida vujudga keladi.

• Axborotlar ichki mohiyatini tashqi his-hayajon tarkiblari bilan kuchaytiruvchi, shaxslararo munosabatni yaqqol ifodalanishini aks ettiruvchi, ovozli, til vositalariga asoslanuvchi nutq turiga ekspressiv nutq deyiladi.
• Ichki kechinmalar shaxsiy fikrlash bilan uyg‘unlashishi tufayli fikriy bog‘lanishni vujudga keltiruvchi, holatlar, hodisalar mohiyatini ichki va tashqi omillarga asoslanib aks ettiruvchi nutq turiga impressiv nutq deyiladi.
• Millat va elatlarning til boyligi aforizmlar, maqollar, donishmandliklar, matallar sifatida shakllangan, yuksak mantiqiy yuklamaga ega bo‘lgan yig‘iq nutq turi lakonik, ya’ni yig‘iq, qatra nutq deyiladi.
• Turli omillar ta’sirida birdaniga vujudga keluvchi, jaxlning mahsuli hisoblanmish, qisqa muddatli nutq turiga affektiv nutq deyiladi.
• Epik (yoyiq) nutq yirik asarlar, monografiyalar mohiyatini to‘laqonli aks etirish bilan boshqa nutq turlaridan farqlanadi. Til mexanizmlaridan tashqari badiiy vositalar orqali ham inson ruhiyati tavsiflanadi.
•