«Тикувчилик ишлаб чи=ариши» йыналиши быйича ы=ув амалиёти

V_ko’t.yoqa = 2,5 . . . 3,5 sm

Latskan avval old bo’lakka qaytarilgan holda quriladi. Z₁ nuqta L nuqta bilan tutashtiriladi va uning bo’yin o’mizi bilan kesishgan nuqtasida M nuqta, o’rta chiziq bilan kesishgan nuqtasida K nuqta belgilanadi. K nuqta taqilmaning ochiqligini (bort taqilmasining ochilish darajasini) baholash uchun xizmat qiladi va latskanni bukish chizig’i va o’rta chiziqning kesishgan nuqtasida yotadi. Latskanni qurish mobaynida shu qiymatlar model eskiziga mos bo’lmasligi kuzatilsa, bort kengligi, yuqori petlya o’rni va yoqa ko’tarmasi balandligi uchun qabul qilingan qiymatlar boshqatdan ko’rib chiqiladi (6-rasm).

O’rta chiziq, bel va yeng o’miziga nisbatan taxminan R nuqta o’rni (latskan chetlari qirg’og’i bilan raskep chiziq kesishgan nuqta) belgilanadi. Olingan nuqtadan latskanni bukish chizig’iga perpendikulyar tushiriladi. Perpendikulyar uzunligi latskan kengligiga mos bo’lishi shart. Latskan bukish chizig’ining raskep chizig’i bilan kesishgan nuqtasi M nuqta BK chizmasida raskep uzunligi, latskan uchlari, yoqa uchlari aniqlab olinadi. Latskan uchlari konturi chiziladi.

Shundan so’ng kalka qog’oz yordamida chizilgan latskan va yoqa uchlarining kontur chiziqlari o’ng tomonga aks tushiriladi.

Old bo’lak bo’yin o’mizi chizig’i ikki usulda chizilishi mumkin: «Burchaksimon» o’miz va dumaloq shaklli.

Bo’yin o’mizi burchak bilan chizilganda raskep chizig’i latskan bukish chizig’i ortidan ham davom ettiriladi. Old bo’lakka ort bo’lak yelka choklarini tutashtirib tirkab qo’yiladi. Bo’yin o’mizi shunday shaklda bo’lishi kerakki, old bo’yin o’mizi yoqa buklov chizig’iga parallel bo’lsin.

A₄₁ nuqtadan LM chiziqqa parallel qilib chiziq chiziladi va unda A₃₁ nuqta belgilanadi.