«Тикувчилик ишлаб чи=ариши» йыналиши быйича ы=ув амалиёти

3.1-MAVZU: «Erkaklar pidjagi uchun model tanlash, modellash, andoza tayyorlash».

Reja:

1.Pidjak uchun model tanlash.

2.Pidjakni modellash.

3.Pidjak uchun andoza tayyorlash.
Konstruktiv modellash – kiyim bazali konstruktsiyasi asosida yangi model konstruktsiya chizmalarini ishlab chiqish jarayoni. Model rasm yoki fotosurat, goho tayyor kiyim namunasi ko’rinishida beriladi. Model rasmi (eskiz) bilan ishlash jarayonida o’rganish ob’ektlari bo’lib mayda va bezak bo’laklari razmeri va o’rni, modelning konstruktiv – dekorativ chiziqlari olinadi. Shuning uchun konstruktiv modellash – yangi modelning dastlabki namunasi va unga mos bazali konstruktsiya asosida kiyim bo’laklari andozalarini yoki chizmalarini ishlab chiqishning murakkab jarayonidir. Konstruktiv modellash ko’p adabiyotlarda texnik modellash deb yuritilgan.

Model bo’laklari chizmalarini to’g’ri bajarish uchun texnik modellash quyidagi bosqichda amalga oshiriladi:

1. 
   model tashqi ko’rinishini o’rganish va tahlil qilish;
   
2. 
   kiyim bazali asos konstruktsiyasini tanlash;
   
3. 
   bazali konstruktsiya chizmasini to’g’rilash va modellash;
   
4. 
   yangi model konstruktsiya chizmalarini tekshirish.